149
10
4
5-min walk from Exit C, Hong Kong MTR Station continue reading
Telephone
23271398
Introduction
Steve Lee Ka Ting’s second outlet specializing in traditional Cantonese cuisine. All dishes are his family recipe and cooked to perfection. There is an array of banquet dishes and family dishes for sharing, lunch and dinner set menus. Flame-grilled char-siu, stir-fried rice noodles with beef and sauna chicken are must-try items. continue reading
Opening Hours
Today
12:00 - 15:00
18:00 - 22:30
Mon - Sat
12:00 - 15:00
18:00 - 22:30
Sun
Closed
Payment Methods
Visa Master Cash AE UnionPay
Other Info
Online Reservation
Wi-Fi
Alcoholic Drinks
Cake-cutting
VIP Room
Phone Reservation
Reward Dining Points
About Reward Scheme
Review (182)
Level4 2019-10-14
83 views
聽聞鼎爺間鼎.會館有個假日brunch set,今日剛巧星期六,我又得閒,帶埋媽媽去試下,孝敬下佢媽媽跟我其實也不太好茶,剛巧店員介紹有自家煲製的羅漢果茶,我哋就試吓,甘甜清涼順喉精選燉湯:花膠燉螺頭-先吃下花膠,大大塊,再渴一口鮮甜味美的燉湯,濃而不膩,湯底還有幾粒螺頭,頗淋,咬落鮮味不俗話梅聖女果-用酸梅汁醃制車厘茄,完全去除了車厘茄的草青味,更多了一陣梅的清涼感,再配合清甜的酸梅汁一齊食,perfect match,極佳的開胃菜秘製叉燒-採用黑毛豬肉質鮮嫩多汁,非常厚切,口感豐富紫晶千島汁脆蝦球-紫晶是紫火龍果,再配上沾滿橙色千島汁的脆蝦球,顏色鮮艷奪目👀,未食已被吸睛,吃下去一點油膩感也沒有,而且蝦身非常彈牙梨香釀帶子-將帶子釀入梨片中,以蝦膠作為黏合,梨的清甜同帶子的鮮味完全融合,而蝦膠加多了一重口感,很有層次懷舊蝦多士-蝦膠非常彈牙,配搭炸到脆身的多士,好有口感香糟滷水鵝肝-鵝肝入口即溶,而且帶濃郁酒香,因為鵝肝煮到八成熟後浸入香糟滷水中3小時醃製,令人一試難忘,回味無窮貴妃蚌稻庭麵- 大大隻貴妃蚌,非常鮮味,而每一條稻庭麵都沾滿了師父調配的醬汁,超好味甜品有三種:蜂蜜黑糖糕- 煙煙韌韌,質感有點像黃金糕,但較清甜可口芋蓉燉鮮奶- 有兩層,上層是芋蓉,可以先淨嚐一口,很滑,很濃芋頭味,然後再配合下層的燉鮮奶一拼吃,便可以嚐到兩種不同的滑迷你豆沙煎堆- 煎堆煙韌,內餡滿滿的,而且豆沙細滑,一口咬下去,豆沙吱出來,口味和味道也很好總結,服務一流,擺盤精美,精緻味美,令我有一個美好嘅星期六中午$768兩個人物超所值 continue reading
(The above review is the personal opinion of a user which does not represent OpenRice's point of view.)
Level4 2019-10-06
363 views
十月有好幾位朋友生日,所以每年十月都會飯聚,今年朋友仔揀咗鼎會館,因為呢個月做緊週年優惠,6位嘅順德宴大約係8折,一於趁特價嚟試試佢啦。由電梯出來有若走進民初街,牆上有古式窗框又有屋簷,店內裝潢更加係古色古香,近天花位置有屋簷裝飾,兩邊又有似廂房嘅坐位,中間就係四合院嘅庭院,感覺優雅秀氣心境舒坦。綉花餐碟墊好精緻順德宴有八道菜+兩甜品第一道菜係 鮮香焗龍蝦,龍蝦擺盤精緻,以木盤襯托出生猛形態,無多餘嘅芡汁,賣相已經好吸引。龍蝦經泡油收縮,蝦肉爽身彈牙,味道鮮甜,好正。第二道菜係均安蒸豬+脆煎魚餅,放响別緻嘅盛器上,經精心配置先係視覺享受。早前响順德也曾一嚐均安蒸豬,據說呢個菜好花功夫,先至可以令腩肉爽而不膩,食落肉味鮮香,肉汁豐盈。脆煎魚餅外表沾滿小片春卷皮,口感香脆,魚味濃郁,乾身唔油。第三道菜係鼎級拆魚羹燴魚翅,精緻嘅套盅下面有保溫嘅小火。叫得鼎級就唔係普通嘢,魚羹係由星斑拆肉而來果然頂級矜貴,羹湯就由鮮魚熬製,鮮甜濃厚,配搭魚翅、木耳、香芹、紅蘿蔔,香鮮味美,正!跟住係北滘鹽燒鮮鮑魚金黃色鮑魚外形似葵花蕊,外層鹽酥肉質軟彈鮮味,美觀又美味,有心思。然後到花金鼓兩食 (應該叫三食至真)有6種配菜:炸菜絲、蕎頭絲、酸薑絲、紫洋蔥、炸芋絲、生蒜片。仲可以加油、鹽、糖調味。魚肉切得非常薄,晶瑩透亮,係睇得到嘅新鮮,原來响食之前10分鐘,先至將活魚處理。據說花金鼓肉質緊緻,推薦好似撈起咁食刺身。 先挾啲自己喜愛嘅配菜,再加啲油同適量調味料,撈埋刺身一齊食好鮮味,口感爽彈又有咬口,好味!放响高湯裡面輕灼2秒都好食!接住嘅係龍江生煎鷄 用好似古裝片送飯嘅藤籃裝住,將竹葉裁成小葉,襯托金黃雞件,加上青綠蔥段、小紅椒塊、薑片,擺盤簡潔雅致,非常靚。據說鷄件係用靚頭抽生煎,龍江鷄肉質嫩滑鮮香,好惹味。呢個時候花金鼓第三食出場啦,物盡其用將起肉剩低嘅骨架做成陳皮蒸頭腩,頭腩位置肉質嫩滑,加埋陳皮、生蔥增香添味,仲正。松茸菌白玉杯擺盤清簡,兩條芥蘭莖似龍鬚好搶眼,白玉杯係用冬瓜肉挖成,杯中釀咗好多雜菌粒粒,面頭放一片新鮮松茸菌,松茸香氣飄逸口感爽滑,雜菌粒混埋冬瓜肉嚟食,清潤好味,濃淡得宜,正!最後一道菜係豉酒鵝燴陳村粉因為係以做碌鵝方法煮,豉酒鵝又係一道功夫菜,鵝肉腍甜甘香,陳村粉爽薄軟滑兼帶米香,吸收埋豉酒汁嘅鹹香,加上鵝肉汁嘅鮮甜,好味啊!最後最後就係甜品,芋蓉燉鮮奶+白糖糕 燉鮮奶口感滑溜有奶香,芋蓉又香又滑,夾埋燉奶確係好正!白糖糕鬆軟又微帶爽彈,味道清爽微甜,好似响順德食嘅一樣。今晚係優雅與美食之夜,大家都過咗個心滿意足嘅時光。 continue reading
(The above review is the personal opinion of a user which does not represent OpenRice's point of view.)
與三五好友總會每月定一飯局,知道《鼎.會館》為慶祝創辦一週年特別推出的「順德盛宴」(八道菜式加兩道甜品) 在10月31日前有限定優惠,6位連加一只需$4888,雖然此菜單需在2日前預定,但我們這班好食之徒當然不會錯過!電梯甫打開,乍見大大個「鼎」字屏風,令人眼前一亮。會館以中式裝修風格為主,仿效四合院的設計,優美雅緻,締造出一個舒適怡人的用膳環境。今晚打頭陣的首道菜是 鮮香焗龍蝦 - 賣相精美,每塊龍蝦都煎到金黃香口,蝦肉乾身彈牙,無疑是出色之作。均安蒸豬、脆煎魚餅均安蒸豬 - 據聞是順德名菜,在香港亦鮮有機會品嘗。大廚以秘製調味粉醃製豬腩肉,然後塗上順德名釀二曲酒,再經兩蒸一涼的處理程序,極為考究功夫。薄薄的腩肉蘊含濃郁的肉香,表皮微帶酒香,肉質爽而不膩,確是一道非比尋常的獨特菜式。脆煎魚餅 - 以新鮮魚肉炮製,最特別是金黃酥脆的外層,吃落有點似春卷皮,非常香口美味。鼎級拆魚羹燴魚翅 - 以一焗盅形式上枱,下面還以小燭火保溫,極之貼心。此羹用星斑拆肉,再加入魚翅、木耳絲、紅蘿蔔絲、香芹絲等,入口鮮味異常。北滘鹽燒鮮鮑魚 - 外層甘香酥脆,咬落爽口彈牙,盡得鮑魚之鮮。花金鼓兩食 - 分別是高湯薄切和陳皮蒸頭腩。魚片晶瑩剔透,盡見師傅刀功。食法是先加上炸菜、酸薑絲、蕎頭、洋蔥、青蔥、生蒜、炸芋絲等配料,後添一點油、鹽、糖調味,別具特色。今次是我首次接觸花金鼓,肉質緊緻彈牙,添上其他配料後,一口盡嚐酸、甜、辛、鮮等豐富味道,口感特別,一試難忘。又可以高湯一灼即吃,魚肉同樣彈牙味美。大廚後以陳皮蒸其頭腩,鮮甜幼滑,異常好滋味。龍江生煎鷄 - 以小藤籃上枱,賣相精緻,鷄件以頂級頭抽生煎,香口嫩滑,讚!松茸菌白玉杯,以多樣不同的菇菌釀入冬瓜杯內,再舖上一片松茸菌,然後淋上濃淡得宜的高湯芡汁,味道多姿。豉酒鵝燴陳村粉 - 大廚先以秘製醬汁,經過多重功序於3小時內不停翻動炮製碌鵝,所以鵝塊外皮軟滑甘香,肉質軟熟,滋味甚為豐富;而薄薄的陳村粉則吸取了碌鵝的精華,香甜軟滑,風味甚佳。最後來的甜品是芋蓉燉鮮奶配白糖糕 - 前者綿滑細膩,奶香撲鼻,而白糖糕清甜不酸,啖啖傳統口味。如果你講究品味,對美食有要求有執著,《鼎會館》絶對不會令你失望。 continue reading
(The above review is the personal opinion of a user which does not represent OpenRice's point of view.)
Level4 2019-06-12
2778 views
鼎爺的節目看得多了,一直都心思思想去試試他的手勢。感恩周遭有一班志同道合的好友,很愛錫我,同時亦很了解我。他們發起了「鼎會館飯局」,讓我可以好好地品嚐一下他的廚藝。 雖然今次見不到鼎爺真人,卻見到他的紙板公仔,一樣有霸氣的說。 餐廳內滿滿的是和諧且舒服的感覺,跟平日在電視上面見慣的鼎爺有一種不能言語的不同感,卻又覺得他心裡就是如此溫柔。 我們今次坐在房間裡,一走入去就見到鼎爺題的字,盡顯氣派。 先來一客松茸螺頭燉鮑魚 ($368),燉湯顏色金黃,十分清徹。這類型的燉湯需要的功夫蠻多的,首先食材需要分開不同的程序處理,而食材份量亦十分講究,否則就會品嚐不到湯品的層次及味道。廚師先把豬展、雞件及水,以一比一的比例燉六小時,之後取出湯品,並加入原只松茸及螺頭再燉四十五分鐘。此舉令湯汁不但濃郁,而且帶有鮮甜的味道。四十五分鐘以後,再放入鮮鮑魚再燉五至六分鐘。單是聽著店員為我們解釋,已經深深明白到這湯絕對是心機、時間缺一不可的佳餚。 湯品確實濃郁,鮮甜可口,每一口均是精華所在。湯之中的食材十分充吧,單是吃湯中的材料都已經讓人十分滿足啦。鮑魚、螺頭、松茸,喝完以後定必大讚。現在想起又想多喝一次啦。 雙椒蒸東星需要提早預訂,感恩好友的準備。這個雙椒蒸東星用上鼎爺蝴蝶過河的開魚方式,將東星斑的中骨取走,使蒸煮的過程受熱更為均勻。廚師先炒香白胡椒放於碟底,接著再放魚及柳椒一同蒸煮,約八成熟時取出。最後將熱油淋過放有韭菜蓉及蒜蓉的密篩中,再淋於魚上。除去多餘油份之後,放上蔥絲、椒絲及蒸魚豉油即成。這種做法比起一般清蒸原條東星的味道更為有層次,而且層次更為豐富獨特。 單單看著這條東星的賣相,已經令我讓我忍不住心中的興奮。看上去啖啖肉的魚呀,陣陣鮮味溢滿整個空間。每一口肉即是十分有彈性的,而且很嫩滑,配合上炒香白胡椒及柳椒一同食用,感覺更有層次,味道變得十分有趣呢。 蔥香梅菜皇燜和牛肋骨 ($298/位)是以來自美國的和牛為主角。它的脂肪分佈平均,入口亦較為濃味,用作燘煮十分一流。根據店員的解釋,在製作這道菜以前,大廚會先用上紅蘿蔔、西芹和芫茜浸泡一整晚,隔天再燘煮,並加入京蔥、甜梅菜、冰糖和柱侯醬等調味,入口更為有層次。牛肋骨燘到十分淋身,肉亦的確十分濃郁,肉質嫩滑,絲毫不油膩,用作送酒實在一流。 提及乾炒牛河,大家會想起甚麼?其實看似平凡的菜式就愈是考師傅手勢。正宗乾炒牛河 ($238),鑊氣十足,油量恰到好處,河粉炒得條條分明,並沒有糊在一起的感覺。對於平日不太好乾炒牛河的我,都忍不住吃了一整碗呢。 continue reading
(The above review is the personal opinion of a user which does not represent OpenRice's point of view.)
Level4 2019-10-12
0 views
最近最期六唔洗番工,去左鼎會館食Saturday brunch,佢喺H Queen’s 嘅23樓,居高臨下🏙,環境舒適,啱晒放假relax嘅心情😌.叫左個為左慶祝鼎。會館一週年👏🏻而出嘅庭園茶聚假日二人餐,呢個中式brunch係星期六同假日限定,集合10款鼎。會館人氣菜式👑.食物包括話梅聖女果🍅,響螺燉湯🥣,梨香釀帶子🍐,秘制叉燒🐖,懷舊蝦多士🍞,紫晶千島汁脆蝦球🍤,香漕滷水鵝肝🦆,貴妃蚌稻庭麵🍜,甜品有芋蓉燉鮮奶🥛,迷你豆沙煎堆,黑糖糕,可以一次試唒多種款式🤗.點心精緻又美味😋,中式兩層嘅靚靚tea set擺法仲啱唒打卡添🤳🏻,無論同屋企人👨‍👩‍👧‍👦,朋友👭定情侶👫嚟都咁適合架 continue reading
(The above review is the personal opinion of a user which does not represent OpenRice's point of view.)