Video
Read full review
2019-01-11
1204 views
人越大(老) 會越鍾意飲茶？呢幾日都心思思想飲餐茶 但嚟嚟去去都約唔到多人一齊 有個朋友突破盲點 兩個人都可以飲㗎姐 仲推介我呢間係上環同銅鑼灣都有分店嘅利寶閣 好 就我哋兩個自私飲啦😂我哋兩個人 叫咗一個叉燒飯餐 (連湯$68) 四款點心 連茶錢($14/位 少少貴 係咪新公價？😂)同加一 埋單$297 超級飽超級滿足😂😂😂寫緊點心嘅同時就食個飲啖茶食少少前菜先 呢度嘅茶杯竟然有啲英式風格 又幾靚喎😳 小菜亦唔係普通花生一碟 係涼拌菇同切咗段豆角 唔錯 justify到$14嘅茶錢😂首先係朋友大力推介嘅叉燒飯 黯然銷魂飯嘅造型 食落好 好 味 啊🙊 我部SE影出嚟好暗 但實物係燒得超靚蜜汁閃令令咁🤤 最重要係咬落去一啲都唔韌 絕對唔係柴皮 無筋又唔會太肥 分開上嘅醬料仲有三款選擇：甜豉油 香麻油(?) 同乳豬醬 配埋個超足料嘅豬肉菜乾湯先$68好抵食😍 10分我俾10分 唔知就咁想食呢個餐嘅話可唔可以外賣呢？(慳返茶錢同加一嘛）😂竹炭奶皇流沙包 聽上嚟好健康 黑金色嘅造型都好搶眼😛 食落都幾好味嘅 鍾意佢唔會太甜 但唔係一咬會瘋狂流沙嗰種 同埋金色會甩係手指度 食完會變咗中華廚藝學
我哋兩個人 叫咗一個叉燒飯餐 (連湯$68) 四款點心 連茶錢($14/位 少少貴 係咪新公價？😂)同加一 埋單$297 超級飽超級滿足😂😂😂
寫緊點心嘅同時就食個飲啖茶食少少前菜先 呢度嘅茶杯竟然有啲英式風格 又幾靚喎😳 小菜亦唔係普通花生一碟 係涼拌菇同切咗段豆角 唔錯 justify到$14嘅茶錢😂
首先係朋友大力推介嘅叉燒飯 黯然銷魂飯嘅造型 食落好 好 味 啊🙊 我部SE影出嚟好暗 但實物係燒得超靚蜜汁閃令令咁🤤 最重要係咬落去一啲都唔韌 絕對唔係柴皮 無筋又唔會太肥 分開上嘅醬料仲有三款選擇：甜豉油 香麻油(?) 同乳豬醬 配埋個超足料嘅豬肉菜乾湯先$68好抵食😍 10分我俾10分 唔知就咁想食呢個餐嘅話可唔可以外賣呢？(慳返茶錢同加一嘛）😂
竹炭奶皇流沙包 聽上嚟好健康 黑金色嘅造型都好搶眼😛 食落都幾好味嘅 鍾意佢唔會太甜 但唔係一咬會瘋狂流沙嗰種 同埋金色會甩係手指度 食完會變咗中華廚藝學院嗰十八個金粉餅 (sorry 今日唔知點解係咁諗起食神😂）
荔蓉蜂巢帶子 我叫嗰時完全誤解咗 以為佢會係有荔枝有蜂蜜同原粒帶子😂 係錯哂 無樣中 其實佢係荔芋蓉搓嘅波 中間有粒帶子做饀 而出面有好似蜂巢咁嘅酥炸脆皮💁♀ 雖然一場誤會 但係幾正嘅 有驚喜丫🤣 個饀除咗有切咗粒嘅帶子 仲有少少肉碎同少少汁 幾香 鹹同甜嘅平衡拎得幾好😛
另外仲叫咗沙爹金錢肚同北菇棉花雞 兩款都係我成日會點嘅點心 都幾有水準 正🤤
Post
