茶墨 (Closed)

喺The One食完野，見到呢一間舖頭，裝修幾靚，而且佢嘅店名叫做「茶墨」，講到沖飲品就好似藝術感，好似水墨畫般美麗，十分之漂亮，就覺得一定要去試。佢有少量嘅坐位，再加幾個企位。既然佢叫茶墨，而且佢有四款好似水墨畫嘅飲品，咁就揀代表佢吧, 最尾揀咗芒果味。真係十分十分期待，但係當我影咗好多相之後，將個飲管插入去，攪勻左之後飲左一口,覺得十分之難飲。佢嗰個珍珠係非常非常之難食，個珍珠係個心硬硬地，而且有少少粉，感覺似未熟嘅狀態。而且佢嘅甜度係非常極之勁甜，甜到係我飲完之後返屋企，嗰種甜度都徘徊口中。整杯嘢飲都唔香，甜味好重(已叫少甜)。我真係唔知點解可以咁難飲。從來都未飲過一杯咁難飲嘅嘢飲，之前遇到啲普普通通嘅飲品，都可以飲完半杯。呢一杯嘢飲，認真的，飲咗兩三啖，就成杯揼咗落垃圾桶。飲完之後真係唔係幾開心，因為佢介紹寫得好靚, 令到人覺得飲野好有意境, 而且佢POSTER 話自己好堅持製作...但係出到嚟嘅效果十分之差。而且服務都十分之有待改善，有一位女侍應態度麻麻地，講嘢唔清楚，完全聽唔到佢講咩，當再問佢嗰陣，佢嘅語氣都麻麻哋，冇晒尾音。