Pizza Piazza (Closed)

之前經過呢間餐廳，一直都以為只係賣pizza，原來仲有其他野食同鋸扒。今晚約了舊同事在舊公司附近聚舊，於是揀咗呢間餐廳食pizza🍕裡面環境幾舒服，坐得唔會好擠迫。我地六點半黎到所以未算好多人。懶得散叫，兩個人就食二人餐，有主菜同薄餅再包兩杯野飲！餐湯係南瓜湯一睇就水準之作。侍應送過黎已聞到陣陣南瓜奶油香，湯內的麵包粒，花奶和香草令到整個湯的賣相好靚，呃like之作。麵包新鮮，不是普通餐包，外脆內軟。侍應好細心，留意食客食完一樣才上另一道菜👍水牛雞翼都幾辣，但好惹味，為剛剛喝完的鮮甜南瓜湯來個刺激。接着又黎看似平淡，但不平凡的帶子黑松露蘑菇飯。菇味滿溢，但略嫌帶子煮得un左d。温泉蛋蒜蓉火腿粒pizza，勁濃蒜味，好似食蒜蓉包咁😋Cappuccino 😍 好靚的心心，而且味道香醇，沒有一點苦澀味。Mocha 畫上花樣，真令人賞心悅目。令人滿意的一餐！