利寶閣 (Closed)

嘩，百四蚊就食到中式點心放題，so interesting, so amazing, 有灌湯餃，又有鮑魚撻，蝦餃燒賣點心任食，估唔到上環既利寶閣可以食到。講真，我最鐘意係佢既灌湯餃，湯味夠鮮夠甜，餃裏面有隻蝦，蝦幾好食，撈幾滴醋真係幾開胃，不過一位只可食一客。另外，鮑魚撻既鮑魚雖然唔係大隻，鮮甜彈牙，夾埋成個餅皮好正，超但得讚，呢個價食放題有鮑魚食下，覺得好幸福，當然亦可能係果一刻我行完街，覺得好肚餓，而覺得特別好食。放題既選擇好多好豐富，燒賣都最少有兩種，蝦餃都有蒸炸，不過咩花款我本身都係咁鐘意食蝦餃燒賣。糖水其中有楊支甘露同杏仁糊，杏仁糊個杏仁味好香濃，仲有好多其他甜品Tim, so sweet 呢。講真，我幾鐘意呢間，抵食又好食，適合大眾茶聚既好地方。