利寶閣 (Closed)

早排同事通知我，上環利寶閣中午做點心放題，平日食得太飽返工唔好，所以特別揀星期六過來，周六日每位$168，平日$148，有近百款選擇，跟平日食晏差不多價錢，但可以食得很飽，幾扺。八款點心紙仔八項目，基本必備點心充足，少數特色。例如名物黯然銷魂飯值得點，叉燒肥美多汁，流心蛋配白飯食，實在美味，怪不得大部分人都鐘意。每枱客更送上鮑魚酥、灌湯餃，每人一客，水準唔錯，特別是迷你鮑魚，汁多濃郁。點心糸列，蝦餃、鮮蝦水晶餃、叉燒腸粉，都交到功課，唯獨腸粉有點厚。煎炸點茘蓉帶子、酥皮叉燒包、香煎魚餅、木魚茄子之中酥皮叉燒包我最喜歡。小食檔我點豬腳薑，味道溫和，薑不過辣，豬腳不肥。蘿蔔金錢肚的金錢肚有咬口，汁味道好。廚部油鹽水菜遠、杞子魚滑娃娃菜、淮山黑木耳百合。甜點吃了流沙包及馬拉糕。大飽口福！