利寶閣 (Closed)

上環利寶閣新推出點心放題，價錢$148/位。主要係以上的點心選擇。每位客人贈送花膠灌湯餃，都幾大隻。另外贈送的有原隻鮑魚酥，都幾鬆化。由於係放題嘅關係，好多點心都可以逐隻叫或者逐件叫。廚部出品最快上檯，鮑汁鳳爪及豬腳薑都夠入味。沙田雞粥夠綿。原隻鮮蝦腸粉及香茜牛肉腸粉，新鮮蒸起夠熱，腸粉皮可以薄少少會更好。炸點就有少少油。鮮茄魚湯浸菜苗及XO醬煎腸粉，煎腸粉有驚喜。相比之下，即叫即蒸嘅點心比較好食，特別係呢幾樣：晶瑩鮮蝦餃、鵪春蛋燒賣、百花燒賣皇沙嗲金錢肚醬皇蒸鳳爪食到好飽，最後加咗一個楊枝甘露作結。