好彩小品 (Closed)

聯和墟新開的茶樓，環境光猛企理。暫時都不用等太耐。試過食星期日午市，今次試試閒日的早茶。點心相當不俗。之前試過鮮竹卷, 馬拉糕，叉燒腸， 粉果， 咸水角都有水準。今次試試其他。虎皮尖椒：見多人叫就試吓。煎到香脆，熱辣辣，唔錯。不過條條都辣的，小心！蝦餃： 細細隻，皮有咬口,唔會痴到一pat，餡結實鮮甜。唔會一咬就散開。有水準！叉燒酥：細細隻，一碟4隻，外層香酥脆有甜香，不油膩，皮薄餡靚，好味！點心好食，但茶的質素一般，最好準備私家茶。另外，服務也有待改善。