hEat (Closed)

新年食翻餐勁嘅，由於新年有利是錢，所以決定要食餐好嘅。呢間係灣仔嘅hEat我嚟遲好耐啦，有朋友介紹過，話佢d野好好食，仲話有乾式熟成牛扒。平日自己有時都會煎下牛扒，但都係一般冰鮮嘅，未試過乾式熟成牛扒。講咁耐到底咩叫乾式熟成⋯⋯將牛肉分切後，外表不加包裝，靜置於攝氏0度上下、濕度50～85％的恆溫、恆濕且保持空氣流動的熟成室中，利用牛肉本身的酵素和外在的微生物作用，熟成20～45天不等；在具有紫外線殺菌器的冷藏熟成室。熟成後會提升牛肉嘅鮮甜，肉味更濃郁。唔講咁多⋯⋯呢度地方唔細，空間感十足，入面仲有好多位，我諗如果係度開party一定好正。埋位，大理石紋嘅碟，相當有品味，配搭一本皮面嘅菜牌。好有質感，型格，粗獷。選擇都幾多下。生蠔，來自法國，雖然比較細隻，但好鮮甜，味道好。煮蜆，配法包，蜆好大隻，煮完完全唔會縮，味道亦好鮮味，法包蒜味重，燒完有一陣陣焦香，沾上蜆汁，配合得好有層次。龍蝦🦞，燒嘅，肉質好結實，應該好新鮮，調味適中，帶出到龍蝦嘅鮮味。一流。主角登場，45日乾式熟成嘅肉眼，配兩個汁，係蒜味&橄欖味。個肉眼扒，油脂分佈得都幾多，肉味好香濃，啖啖油香，表皮香脆，簡直係一場盛宴。仲