嗱老實講，我作為一個麵包精，所以就成日周圍去啲麵包舖買嘢食，試得多就會有一啲食野方式分享比大家，好似食雞批咁，我通常就先將佢係中間切開一半，點解呢？因為首先可以睇到佢份量足唔足，二來可以知道佢個批身嘅鬆化程度，呢個係我個人小分享啦😉
講返個雞批先，佢個批身係唔濕，乾身而且鬆化，唔會好似平時食果啲雞批咁，因為個雞餡啲白汁黏住個批，食落口一pat pat嘅感覺，所以批身值得一讚。
雞餡夠足料，而且真係食到黑松露味，唔係果啲落左少少，連味到食唔到果啲，睇得出同食得出，無欺騙食客㗎🤣
仲要講下佢地嘅雞批係用咗煙肉，唔係用火腿，所以食落去勁香，而且同黑松露都幾夾，鍾意食雞批嘅朋友真係要試吓，值得推介同回購👍
