首先黎既係鹽燒牛舌，唔會燒到咬唔開，咸咸地但都食到牛味！
香芒吉列大蝦卷，因為好鍾意食某壽司店既炸蝦卷又鍾意食芒果所以即叫！雖然炸蝦冇連鎖店咁大舊，但依然脆卜卜，配埋芒果即刻冇咁油
蒲燒鰻魚，預左冇入口即溶既感覺，但個汁好味！
比眾人遺棄既牛油粟米，明明就好好食，又係每次食放題必叫！不過如果可以再熱少少會更好。
刺身！有甜蝦同珍寶大赤蝦，朋友就覺得赤蝦正啲好多肉，但我始終鍾意甜蝦既鮮甜！
黃金燒帆立貝！隻帆立貝係大過個5蚊銀！又厚肉，絕對值得一叫！
七味醬燒雞翼，其實燒得好好，皮脆多汁，但就比較咸
我期待已久既芝麻雞翼！一樣脆卜卜冇失水準！連炸蠔都相當唔錯，唔會係冇味既蠔！
虎蝦天婦羅，炸粉脆卜卜，蝦肉好彈牙
重點推介！
將黑松露同什菌撈渾，撈個陣已經勁香黑松露味，撈好每一條菇都有黑松露，同朋友秒速清哂，即刻再叫！真係好好食
出面仲有好多小食同甜品可以拎，好多款色可以揀，但淨係個黑松露炒什菌已經夠我一而再再而三咁去食了！
