Video
Read full review
2023-07-18
239 views
Cafe Wellcome x BBQ Place (九龍灣)九龍灣展貿徑1號國際展貿中心E-MAX 4樓421至425號舖健康特色舒服餐廳， 來得EMAX通常都係為咗睇演唱會，又或者為左貪泊車平又有平戲飛既戲院，食物就最頭痛，唔係麥記就759。發現原來樓上4樓，有間好抵食嘅西餐廳，仲有個特大嘅平台花園有瀡滑梯，食個飯之餘，仲可以比小朋友放電，特色親子餐廳。星期五六日有BBQ，仲可以帶埋寵物，名副其實隱世親子寵物健康餐廳之選。晚餐有個非常抵食嘅健康之選，沙律麵包餐同甜品，加埋唔使一舊水。主要前菜可選水果、精選沙律、凱撒沙律，主食六選一，包括牛油果蛋白、吞拿魚粟米沙律、碎蛋沙律雞胸、芒果配蟹肉沙律等等。另外麵包可以選牛角包、酸種多士、意大利或鬆餅。總之咁多樣嘢加埋，上菜既擺盤係非常澎湃。當晚餐湯係粟米忌廉湯，不過不失，唔使另外加錢包餐湯同嘢飲，飲品可選紙包飲品，罐裝飲品，咖啡或檸檬茶等等，非常抵食。主菜揀咗個芒果配蟹肉沙律，芒果蟹肉份量非常多，蔬菜底，麵包鬆軟，同行朋友揀唔同款，試咗個雞胸，雞胸微微煎燶，非常香味，同埋份量非常之多。最後有個檸檬撻做甜品，under$100嘅餐，仲包價值幾
九龍灣展貿徑1號國際展貿中心E-MAX 4樓421至425號舖
健康特色舒服餐廳， 來得EMAX通常都係為咗睇演唱會，又或者為左貪泊車平又有平戲飛既戲院，食物就最頭痛，唔係麥記就759。發現原來樓上4樓，有間好抵食嘅西餐廳，仲有個特大嘅平台花園有瀡滑梯，食個飯之餘，仲可以比小朋友放電，特色親子餐廳。星期五六日有BBQ，仲可以帶埋寵物，名副其實隱世親子寵物健康餐廳之選。
晚餐有個非常抵食嘅健康之選，沙律麵包餐同甜品，加埋唔使一舊水。主要前菜可選水果、精選沙律、凱撒沙律，主食六選一，包括牛油果蛋白、吞拿魚粟米沙律、碎蛋沙律雞胸、芒果配蟹肉沙律等等。另外麵包可以選牛角包、酸種多士、意大利或鬆餅。
總之咁多樣嘢加埋，上菜既擺盤係非常澎湃。
當晚餐湯係粟米忌廉湯，不過不失，唔使另外加錢包餐湯同嘢飲，飲品可選紙包飲品，罐裝飲品，咖啡或檸檬茶等等，非常抵食。
主菜揀咗個芒果配蟹肉沙律，芒果蟹肉份量非常多，蔬菜底，麵包鬆軟，同行朋友揀唔同款，試咗個雞胸，雞胸微微煎燶，非常香味，同埋份量非常之多。
最後有個檸檬撻做甜品，under$100嘅餐，仲包價值幾廿蚊檸檬撻，好匪夷所思，希望佢繼續可以做落去令更咁多人試到value for money 嘅野。
值得一提，佢個音響好正，佢播啲歌都好正， 黎emax一定不可以錯過。
Post
