潮福蒸氣石鍋 (Closed)

今日我同媽咪都好早收工，於是提議媽咪過黎潮福食海鮮，媽咪好贊成，因為得2個人，隨便點左個海鮮餐。新鮮排骨粥煲出來既排骨已經好軟爛入味，大大一鍋好有份量，兩個人覺得食唔曬。美國石蠔好新鮮，只只大細均勻，睇得出店家有精心挑選過先比客人，蒸出黎蠔肉鮮美，加左醬汁調味之後更開胃。大元貝搭配粉絲同小小蒜蓉入去蒸，出黎既味道簡直同出面大廚整既無咩分別吖，香溢爽口。釀豆蔔, 豬肉丸, 蟲草雞蒸出黎都好有水準，肉嫩爽滑，食到收唔到口。雲腿粒冬瓜燉海螺肉湯味道幾清甜，點個贊。蒸龍蝦，龍蝦肉爽口彈牙，鮮甜過人吖。蒸肥牛，肉切得薄厚均勻，蒸出黎之後卷起身唔會散，好嫩滑。蒸象拔蚌仔，比較爽韌，都幾惹味咖！