裕記大飯店

Open Now

Now Closed

假日一家7口山長水遠去到深井，當然要搵間飯店食下燒鵝。我地就揀左經常有廣告賣既裕記。有大有細，所以一共點左6個菜。必點燒鵝（一隻）。本身對燒鵝都無乜研究，但呢到既燒鵝燒到金黃，皮好脆口，而肉質都算係咁，唔會梅。呢兩道係鵝雜小少同小炒王，兩個餸味道都中規中矩，炒得算乾身，送飯一流。炒飯就無乜特別，唔想叫白飯咁齋叫炒飯都係唔錯既選擇。個人對酒釀鵝肝無乜要求，不過呢到有呢道菜都幾特別。最後一道炸蝦球，係最喜愛既一道菜，蝦球即炸好新鮮，熱辣辣，蝦肉彈牙！👍🏻最後埋單$1800，同出去酒樓食一圍差不多。