211
101
89
Telephone
24910105
24910751
24917925
Introduction
A famous roasted goose shop, has been opened in Hong Kong for 50 years. Operated a goose farm themselves and ensure 100% charcoal grill to make the skin crispy.
continue reading
Awards and Titles
Best Restaurant in Tsuen Wan (2012), MICHELIN Bib Gourmand (2023)
Good For
Drivers Friendly Dining
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
Signature Dishes
Recommended Dishes
RELATED ARTICLES
之前帶朋友行過大欖郊野公園由深井至屯門一段，雖然途程長，但易行，又有唔少觀景位，今次就詢眾要求，帶老婆嘅朋友行同一條路線，不過就由屯門起步，深井結束，目的就喺落深井食燒鵝。當中有朋友建議嚟「裕記」，稍為睇高一線，所以，就走咗入去幫襯佢。 其實，裡面嘅用餐區喺以好幾幢村屋嘅地下嗰層所組成，分晒房號，左穿右插，少少似迷宮咁，真喺要有職員帶。由於每區用餐區都喺村屋，所以地方唔會好大，但擺得啲枱就好密麻麻，已經無乜通道俾人行，裝修亦喺簡簡單單。而為方便管理，佢哋都將啲客人逼埋去同一幢村屋，所以入嚟嘅時候，我哋個房就坐滿人，其他房就空洞洞。 餐牌就大大本，有啲難影，不過，好彩臨尾喺接待處有堆單張攞，一次過掃描出嚟，就一目了然知道有咩食、價錢收幾多。 此外仲有啲唔同嘅套餐，我哋一行7人，得我一個男丁，加上今餐當喺下午茶，其實真喺唔會食得到好多嘢，但嗰個阿姐就不斷說我哋嗌套餐，成日講唔夠食，搞到我都有啲炆炆哋。 五福滷水拼盤 $190點個鹵水拼盤當前菜就最好不過，可以樣樣都試啲，當中包括鴨腎、鴨翼、鵝腸、豬腳仔、海蜇，陣鹵水味嚟得清香淡雅，唔好太嗆喉，沾上白醋確喺唔錯。 燒鵝例牌 $165侍應成日想我哋叫半隻，其實叫例牌都有多架，因為同枱有啲人喺唔食得鵝，加上女士多，叫例牌即喺1/4隻鵝，確實非常夠。眼見成碟都喺鵝，唔會話下面墊埋啲豆腐之類，所以，都幾足份量。不愧為炭燒，外皮甘香脆口，鵝肉嫩滑富油香，甚有質素。 瀨粉 $20燒鵝瀨喺大家嘅情意結，不過，呢度無單一碗燒鵝瀨賣，所以，叫咗碟燒鵝例牌，就再加幾碗瀨粉共享。不得不講佢哋啲瀨粉，真喺唔錯，滑溜得嚟有少少韌勁，唔會話浸到淋晒，個湯頭亦都幾清香。 魚肚肉碎浸時蔬 $108同枱各位都喺講健康嘅人，所以，點都補番一道蔬菜菜式，呢個浸時蔬就最好喇，有魚肚、瘦肉碎，襯得嚟又唔會話好寡，時蔬嘅湯亦都清清哋，又有點鮮味。 薑米蛋白菜粒炒飯 $130另外，除以瀨粉墊墊肚，仲揀咗個最清嘅炒飯， 薑米行氣活血 ，蛋白、菜粒絕對喺健康食材，加埋呢個飯炒得唔錯，飯粒分明，食落幾爽身，唔會好油膩，所以，就算只喺薑米、蛋白、菜粒，都唔會覺得好齋。 樽仔奶茶 $22睇我哋一生嘅裝束就知喺行完山，所以，個侍應阿姐不斷問我哋使唔使要啲嘢飲，前前後後問咗好幾次，最後，怕咗去煩，叫咗兩樽樽仔奶茶「些牙」 吓，睇餐牌以為好大樽，嚟到同隻茶杯對比下，查實細到無譜。相信啲奶茶都係托附近茶記幫手製作，所以，其實質素喺唔差嘅，茶味濃郁，亦都算香滑。 計埋茗茶$12位，花生$10碟，要咗我哋兩碟錢，再加埋一，都食咗近九嚿水，算喺高消費一餐嘅下午茶。其實，晌附近好幾間由中餐廳兼營嘅茶記，亦有提供燒鵝瀨，仲喺下午茶餐嚟，之前就曾經食過「傅記」，對比下相宜好多。
continue reading
感謝友人請客，深井其實有好多燒鵝，不過如果要食真係一定要食深井裕記燒鵝！燒鵝嘅皮非常之脆，肉質嫩，雖然每次嘅火候都會有啲唔同，不過整體非常之好食而我今次亦都食咗朋友推薦嘅酒釀鵝肝！食多幾次都嚟！
continue reading
親友在外國回港，話好想食燒鵝，咁我哋當然要帶佢去深圳行下。揀左裕記燒鵝，提供著名的粵菜美食和招牌菜。🌟#滷水拼盤: 鵝腸、腎片、海蜇和鵝掌非常豐富多樣，每一樣食材都經過精心處理，口感鮮嫩彈牙，滷水味香濃，好開胃。🌟#鵝腸炒酸菜鵝腸完全唔腥，濃郁小炒風味和酸菜的清爽口感，鑊氣夠，好正。🌟#原隻燒鵝招牌菜，鵝烤得外酥內嫩，望住鵝皮金黃酥脆的外表，肉質鮮嫩多汁，入口即化。配上他們自製的特製醬汁，更加提升了整體的風味，讓我回味無窮。🌟#魚頭豆腐湯湯底清澈鮮美，魚頭肉質鮮嫩，豆腐綿密滑嫩，湯的整體口感非常順滑。作為主食，我選擇了瀨粉口感彈牙，非常入味，配燒鵝食一流。🌟#上湯菜苗和客家煎釀豆腐上湯菜苗綠意盎然，口感爽脆，與鮮甜的湯汁完美融合。豆腐裡面填滿了鮮嫩的肉餡，煎得金黃酥脆，外酥內軟。裕記燒鵝食材新鮮，味道美味，服務態度親切周到，鍾意食燒鵝的朋友不容錯過。
continue reading
細細個成日睇電視見到裕記賣廣告,今日行山路經深井,就去試一試佢嘅燒鵝。點咗一份例牌燒鵝， 分到下莊， 有脾食，肉質又比較肥美，幾開心。 兩個人叫一份例牌，再點兩碗白飯，夠曬食。鵝肉入口熱辣辣，皮脆肉嫩。 鵝肉燒得啱啱好，唔會話好柴。 食落多汁帶有油脂香氣， 確實唔錯。 但又老實講句，食落就唔多覺有荔枝柴嘅香味， 未至於傳聞捧到上天咁好食。 如果路經開深井，都值得過嚟食下嘅@@
continue reading
今日一行四日去裕記食lunch. 一坐低就比人趕住落order. 叫左半隻燒鵝(大），加三個小菜。食左半個鐘左右。店員聲稱廚房要 “搞衛生”，問我地仲需唔需要加單。 我地都答左唔洗 食左一個鐘左右，之後我去洗手間。幾個店員大大聲講我地呢張台仲未肯埋單。 講左幾次。去到樓梯返埋位又有另一批呀姐講張台仲食緊唔埋單 。如果你同我講 你地‘搞衛生’既時間，我咪最多唔食。或者比我地坐地下個層 唔阻你“搞衛生”既枱都得架。乜裕記變左快餐 食一個鐘都要比人趕走咩？唔係話要怕怕嘆茶唔願走。 其實同行有兩位老人家一齊食。至少都比個合理時間我地去消化咁呢幾樣野食。 真心無下次。 難受到
continue reading
You may be interested in