瀛豐放題料理專門店 (Moved) New Location

💛💛💛瀛豐放料理轉門店💛💛💛同朋友聚舊最好就係食放題，大家嗌自己鍾意食嘅嘢，唔使互相就黎就去。餐廳地點幾好，一出地鐵站就見到😛。環境有啲細，最好book枱。一坐低我哋就食個刺身拼盤，上菜都幾快。三文魚腩好肥美，油甘魚都唔錯😍。所有貝類都好新鮮，有馬刀貝、螺肉、象拔蚌、赤貝，仲有啲講唔出名既貝😂。食落去好爽，真係塊塊都好新鮮！我哋幫襯佢某程度上為咗生蠔，質素中等。蠔偏向爽多於creamy🤟🏻。食落唔會淨係得個鹹味，少少金屬味。連嗰粒生蠔帶子都食到，幾甜☺️。因為我哋有加錢食生蠔，所以都食埋海膽帶子。帶子唔錯，海膽都算完整，每粒帶子入面都有三四反海膽。如果可以用日本海膽就更好啦😂。小食方面我地食左好多，不過心急得滯無乜影相😂。朋友食左啲我唔係幾食既泰式鳳爪、麻辣田螺等等，佢表示全部都唔錯😛。仲嗌左豬頸肉有少許乾身。炸雞軟骨好好食，唔重油味，食落唔肥（好似係）🤪。最好食係芝士年糕，啲芝士真係流出黎架。我鍾意呢間餐廳佢真係按人頭份量咁分配食物，所以唔會出現浪費食物嘅情況😌。嗌壽司都係一件一件咁嗌，嗌左十款左右，料唔錯，舊飯幾好食😆。