麻辣風雲 (荃碧大廈) (Closed)

限聚令放寬後，真係忍唔住要去揾嘢食。今日揀左位於荃灣，新張不久嘅麻辣風雲，聽話食辣都有助抗疫入座前，門口同事為我哋每人先量體温，同提供搓手液比我們清潔雙手。而家出街食飯呢倆個小動作真係為客人帶黎大大嘅安全感。另外較少見嘅就係連手罩套都比埋你餐廳環境唔算大，四四方方，十分乾淨。通常川菜必點嘅涼拌皮蛋，中意麻辣嘅朋友千奇唔好錯過皮蛋上嘅辣椒醬，相當香口，但唔算太辣，加上皮蛋嘅溏心，好正酸菜魚，份量好多，魚肉薄嫩，酸菜惹味，好開胃。酸辣土豆絲，我個人好中意食薯仔，而呢個煮法爽甜口感欖菜豆角粒炒飯，飯粒分明，但欠缺鑊氣，未見驚喜京葱牛肉，取勝處在放牛肉嫩軟，青椒同京葱配合得剛好。飲料就揀左果味爽，果汁+梳打，大熱天下十分解喝。飯後離場時見到個掂字，最近嘅新張餐廳它都真係掂