🥒涼拌菜：涼拌青瓜、尖椒皮蛋
青瓜同皮蛋都用好正嘅醬料，酸酸甜甜加啲微辣，開胃之餘仲有啲清新感，特別啱喺炎熱天氣食。
😋大大碗雲南米線😋
碗裝嘅湯粉味道濃郁，湯底帶有陣陣香辣，啲粉條彈牙，配上啲新鮮嘅配料，真係一啖接一啖停唔到。
😋大碗麻辣燙😋
花椒粉、辣椒油，肆意蘸染，麻辣鹹爽，湯水濃郁，味道層次豐富，暖胃又滿足。
🍖BBQ：鵪鶉蛋、骨附腸、餃子包雞翼
串燒肉質juicy，表面燒得香脆，啲醬汁滲透入去，食落去好有滿足感。
🍆燒原條茄子🍆
雖然外觀有啲油膩，但蒜蓉味好香，味道唔錯，帶啲焦香。
🍲蒜香焗金菇🍲
上菜嘅時候仲有錫紙包住㗎， 蒜蓉同辣椒仔嘅份量恰到好處，唔會話太辣，突顯到金菇嘅鮮味。
🍍燒菠蘿🍍
酸酸甜甜，作為飯後果非常完美！
整體嚟講，食物嘅質素同份量都算高，份量同味道性價比高。一邊食串燒一邊飲啤酒好正！唯一小小缺點可能係環境有啲嘈雜，尤其係人多時，可能要大聲傾計。推薦大家有機會可以嚟試吓！
