Bernice Bakery

Open Now

Now Closed

食lunch喺公司附近散步抖下氣，意外見到呢間橙橙地色招牌嘅麵包舖！入到去見到啲蛋糕好靚，經店員簡介後，原來麵包材料都係嚟自法國，採用當地自然酵母同製作技巧，造出嚟嘅麵包唔會有「空心麵包」嘅情況。🍠芋泥麻糬丹麥酥丹麥酥最好盡快食用，食落好鬆軟；麻糬同芋泥夾心米糯米糯好過癮！買番公司切開咗一半share俾同事～😸杜拜開心果麻糬酥賣相本身都已經好吸引好靚！麻糬配合埋近年好hit又健康嘅開心果，食落皮好脆口！🧀蒜香忌廉芝士歐式軟包呢個係店員推介，店舖可以幫手加熱，啲cream cheese就會好似想湧出嚟咁美味！蒜香更加能帶出芝士個味道。🍏伊甸園Mini cake除咗似一個青蘋果，入面仲有青蘋果蓉、慕絲、以及融合一種菜類🤓想知就要去試下啦！