Video
Read full review
2023-07-20
155 views
今日約咗太古城返工老友晚餐, 想食潮州菜,朋友帶咗我去這家近太古站附近位處7樓的樓上店-陳儀興尚潮樓, 環境舒適唔會擠逼, 裝修方面走古色古香的典雅路線, 近門口位置的座位更貼心地以屏風間開一格格,令每枱客人之間的私隱度大大提高,侍應的服務態度也十分理想,多次主動過來收碟及添茶, 另外亦發現餐廳全部都統一用上了同一系列的藍色繪圖餐具,倍感高貴及突顯高級食店那種一絲不苟的態度。待應首先會奉上潮州功夫茶及醃酸菜,茶味香濃, 酸菜醒胃, 作為這一餐的起始, 令食慾大增。二十年老菜脯燉鮮豬肚湯, 顏色金黃味道清甜, 配合兩塊深黑色的二十年菜脯及幾塊厚身的豬肚, 菜脯味道夠濃,豬肚爽口之餘亦都唔會韌, 加入了少少胡椒微微辣, 飲落口感甚佳。頭抽煎英倉, 幾塊魚片都幾厚身,已經完全起曬骨咬落啖啖肉的感覺, 即使老人和小孩也適合這味菜, 頭抽能有效帶出魚片鮮味, 外面香脆, 魚片亦煎的火候剛剛好,一啲都唔會鞋, 好香好好送飯的一味餸菜。滷水鵝片, 每次食潮州嘢都要點的至愛,滷水鵝片鹵得好入味。鵝片切得夠薄, 肉質鮮嫩, 肥瘦適中, 食多幾件都唔會膩,鋪底的滷水豆腐件同樣出色,絕對是必點的一味菜。乾貝
待應首先會奉上潮州功夫茶及醃酸菜,茶味香濃, 酸菜醒胃, 作為這一餐的起始, 令食慾大增。
二十年老菜脯燉鮮豬肚湯, 顏色金黃味道清甜, 配合兩塊深黑色的二十年菜脯及幾塊厚身的豬肚, 菜脯味道夠濃,豬肚爽口之餘亦都唔會韌, 加入了少少胡椒微微辣, 飲落口感甚佳。
頭抽煎英倉, 幾塊魚片都幾厚身,已經完全起曬骨咬落啖啖肉的感覺, 即使老人和小孩也適合這味菜, 頭抽能有效帶出魚片鮮味, 外面香脆, 魚片亦煎的火候剛剛好,一啲都唔會鞋, 好香好好送飯的一味餸菜。
滷水鵝片, 每次食潮州嘢都要點的至愛,滷水鵝片鹵得好入味。鵝片切得夠薄, 肉質鮮嫩, 肥瘦適中, 食多幾件都唔會膩,鋪底的滷水豆腐件同樣出色,絕對是必點的一味菜。
乾貝春菜煲, 干貝分量頗多, 春菜鮮嫩唔怕老, 咬落去夠腍兼冇渣, 配合干具及蒜子令整體味道進一步提昇,夠曬惹味。
Post
