桜

Open Now

Now Closed

今日經過元朗，又想食壽司，見到而一間唔錯既小店，佢都幾近元朗西鐵站架，10分鐘左右。裏面嘅選擇得都幾多，有好多唔同嘅手卷，又有甜品， 又有飲品，又有丼，我哋去行少見到都幾多人排隊架。旁邊呢有豉油辣同唔辣俾我地選擇，有一張枱可以俾客人喺度食嘅，不過通常大多數人都外賣，而且個價錢都好親民，所以呢吸引唔少人嚟食嘅。咁我地就試咗(吞拿魚蓉拼海膽手卷$46)，話佢嗰啲海膽同吞拿魚蓉係勁多架，食落海膽好新鮮好鮮甜，吞拿魚蓉食落去好新鮮。(海膽拼三文魚子手卷$56)，分量多都係幾多架，三文魚子呢都好新鮮，咬落去呢卜卜脆，海膽非常之鮮甜。(極上刺身丼$78)，咁佢呢個裏面好多材料，有玉子，三文魚刺身， 北寄貝，帶子（有原隻帶子，超大粒，超鮮甜），三文魚子。超級豐富呀，見到佢應該係即叫即整嘅，所以係非常之新鮮架。(三味魚丼$58)，佢係好特別嘅，佢有三種唔同整法嘅三文魚，一款炙燒三文魚，燒得啱啱好，個口感好creamy，另外一款係有少少辣嘅，配埋啲飯呢係超好食架，最後一個就係原味嘅三文魚，係好新鮮啦夠凍啦。見到店裏面重會買三文魚刺身，拎返屋企食都幾好架，仲有原隻椰子波波，平時好少見架，不過食得太飽，冇叫