Video
Read full review
2021-05-09
78 views
同朋友去左元朗打邊爐，曾經搭的士嘅時候有聽司機推介過，果然冇介紹錯。叫左個豬軟骨蕃茄湯鍋，湯底十分足料，有好多舊豬軟骨，入味又夠軟熟，湯底清甜味道又夠濃郁，仲有啲芫荽味就咁當湯飲一流。仲有薯仔、蘿蔔、番茄都比我同朋友食晒。頂級雪花牛肉，牛肉嘅雪花分布平均，色澤都好靚。韭菜豬肉餃，好多韭菜，豬肉醃得夠味，口感豐富。皮薄但夾落去又唔容易散，煮耐左少少都唔怕。 手打蟹子墨魚丸，爽口彈牙，一啲都唔死實，仲有蟹子增添鹹鮮味。日本稻庭烏冬，一份有兩餅兩個人食剛剛好。另外呢度會收醬料費每人$20，一個高質嘅火鍋來講平均每人$400價錢合理。晚餐想食好啲喺度打邊爐都幾唔錯。
叫左個豬軟骨蕃茄湯鍋，湯底十分足料，有好多舊豬軟骨，入味又夠軟熟，湯底清甜味道又夠濃郁，仲有啲芫荽味就咁當湯飲一流。仲有薯仔、蘿蔔、番茄都比我同朋友食晒。
頂級雪花牛肉，牛肉嘅雪花分布平均，色澤都好靚。
韭菜豬肉餃，好多韭菜，豬肉醃得夠味，口感豐富。皮薄但夾落去又唔容易散，煮耐左少少都唔怕。
手打蟹子墨魚丸，爽口彈牙，一啲都唔死實，仲有蟹子增添鹹鮮味。日本稻庭烏冬，一份有兩餅兩個人食剛剛好。
另外呢度會收醬料費每人$20，一個高質嘅火鍋來講平均每人$400價錢合理。晚餐想食好啲喺度打邊爐都幾唔錯。
Post
