正宗水上人蒸氣鍋專門店 (Closed)

之前食過旺角店念念不忘，一直都好想再黎食，今次就去尖沙咀店食餐好既！先黎頭盤胭脂蚌，肥大肉厚，貝類既首選！再黎蟶子皇，配上自家製既黃金汁，又幾特別喎到主角出場，開邊南非龍蝦，基於波士頓係斬件上既關係，選擇左前者，方便易食😂蝦肉鮮甜彈牙，價錢又抵d，性價比高👍🏼食完海鮮緊係食肉啦，雪花和牛粒，有口感又juicy，正😋食完牛又點少得雞呢，蟲草花蒸雞，雞肉嫩滑唔鞋口，配搭蟲草花一絕!最後緊係食返碟菜balance下啦，欖菜肉崧冰菜，冰菜既口感令我一試難忘，每次見到有冰菜就會必嗌！