我哋坐低之後新疆美女仲同我哋介紹下個Menu都幾有禮貌。亦都幾好客仲見到佢同客人傾吓偈碰吓杯飲兩啖🍷據悉依位美女係老闆娘係新疆人店內嘅廚師都係照新疆家庭地道煮法製造。
我哋2個人嗌咗 大盤雞、饢炒烤肉 、啫啫鐵板芥蘭🥢
大盤雞 我哋嗌左小辣😋 雞煮得啱啱好，肉質幾彈牙，而且仲有手工拉麵條喺底索哂雞汁小小嘅辣帶到鮮味幾唔錯。饢包幾特別，包係成塊都脆卜卜嘅而且面有芝麻配埋孜然惹味嘅羊肉又香又有咬口，口質十足。聽講依個饢包係新疆特產😆第一次試係幾特別～
啫啫鐵板芥蘭，芥蘭冇渣唔老身配有蒜粒、蝦乾同肉碎🤤仲有鐵板嘅炸炸聲所以落枱就已經好香噴噴～
嘢飲嗌咗 酸奶 諗住中和返又可以解下辣😂最後仲有 紅棗杞子海燕桃膠糖水做結尾清甜得嚟可以中和返個味蕾🥰
