鮨㐂 (Closed)

廚師發辦一直都係我最愛，由廚師安排食物，正正因為唔知道下一道菜係咩，所以先會更加期待。呢間廚師發辦相當唔錯，服務一流，食材高質，師傅靚仔之餘，功架十足。店員友善有笑容，知道我聽日要考試，仲叫我加油添，超級窩心💃🏻-呢間餐廳個名好特別，叫鮨㐂。原來㐂係日本古字，讀音係喜，即喜歡既意思。師傅每完成一道菜式後，都會向我地詳細介紹，並一一解答我地既疑問，服務用心。前菜🎉按順序先食白梅貝，安康魚肝玉子豆腐，素麵。白梅貝肉質有嚼口，原汁原味，只能用一個鮮字黎形容。素麵冰涼，入口Q彈，麵汁帶酸，實屬開胃之選。新鮮白果配上岩鹽，微微帶咸，口腔頓時溢滿白果既香濃。-一份金目鯛，兩重享受。金目鯛捲住香蔥，蘸上豉油，魚既鮮味係口腔爆發。另一份金目鯛被輕輕炙過，配上特製醬汁，香濃入味。超級邪惡既海膽魚籽杯，面層鋪滿綿滑海膽，極之鮮甜，令人回味無窮。而底層係粒粒晶瑩既魚籽，咬落去爆曬汁，係幸福既感覺啊～粒貝，爽口又清甜，先傳黎陣陣清香既柚子味，接落黎係海水既咸香，味道層次豐富，十分喜愛既一道菜。汁煮鮑魚經師傅悉心製作，配上干醬，充滿濃厚既海鮮風味，而且一啲都唔韌，口感岩岩好。秋風起，當然唔少得肥美嘅秋刀刺身。同