49
1
1
Restaurant: SUSHI YOROKOBU
Offer: Have you thought of earning HKD1 = 1 mile through dining?
Mondays: HKD1 = 1 mile, Tuesday - Sunday: HKD2 = 1 mile! (Present QR code in Asia Miles App when you pay your bill) T&C apply.
Terms & Details:
  • Asia Miles can be earned on eligible transactions of between HKD300 and HKD10,000.
  • Asia Miles earned are based on the total amount spent, including service charges and taxes, but excluding tips.
  • Asia Miles cannot be earned on certain promotional menus during festive seasons. Please check with staff in partner restaurants in advance.
  • Bonus Miles will be credited to the members' account within 4-8 weeks after dine-in date.
Other Asia Miles terms & conditions apply
3-min walk from Exit F1, Causeway Bay MTR Station continue reading
Telephone
34262777
Payment Method
Visa Master AE Cash UnionPay
Offers
Restaurant: SUSHI YOROKOBU
Offer: Have you thought of earning HKD1 = 1 mile through dining?
Mondays: HKD1 = 1 mile, Tuesday - Sunday: HKD2 = 1 mile! (Present QR code in Asia Miles App when you pay your bill) T&C apply.
Terms & Details:
  • Asia Miles can be earned on eligible transactions of between HKD300 and HKD10,000.
  • Asia Miles earned are based on the total amount spent, including service charges and taxes, but excluding tips.
  • Asia Miles cannot be earned on certain promotional menus during festive seasons. Please check with staff in partner restaurants in advance.
  • Bonus Miles will be credited to the members' account within 4-8 weeks after dine-in date.
Other Asia Miles terms & conditions apply
Review (52)
Level4 2018-12-14
2395 views
最近朋友介紹左一間銅鑼灣新開的日本餐廳俾我, 襯住最近有空閒時間就同好友去左幫襯. 一入門口已見地方非常四正整潔, 而且基本上全是吧枱位.  上得黎食就一定係揀OMAKASE啦! 先黎三個小前菜:  金黃色的海膽豆腐味道甜甜地, 口感滑嘟嘟; 新鮮海蔘配上橙肉,稻穗子同埋蘿蔔蓉, 口感豐富味道清新, 白子蒸蛋都唔錯, 白子的表面用火灼過,所以有淡淡焦香, 而個蒸蛋口感不但滑, 蛋香&菌香味都好足. 右口魚卷蔥 + 右口魚卷符皮面豉 + 醬燒黑鱸魚  右口魚刺身啲肉質有少少結實,味道較清爽甜,唔會好濃郁的感覺。 右口魚卷細蔥味道非常清新;而右口魚卷符皮面豉味道就比較濃郁,係另一種風味。 醬燒黑鱸魚的口感都幾滑漏彈牙, 醬汁味道剛剛好唔會太鹹. 醬汁燒八爪魚 燒白子  八爪魚軟腍入味,甜甜地味道都唔錯。白子本身冇咩太多味道清清地,口感軟綿細滑。 海膽魚籽杯  外型非常精美,海膽魚籽都好新鮮,海膽仲好鮮甜tin… 純菜冇咩特別味道,但口感都唔錯,滑嘟嘟。  蒸鮑魚口感都幾軟腍入味,再配上特製的"飽魚肝醬",鮑魚的味道更加濃郁鮮美。最後有剩的飽魚肝醬仲可以配上飯團,完全唔會浪費。 秋刀魚刺身+鹽燒秋刀魚  呢個季節啲秋刀魚都幾肥美肉厚,刺身肉質都彈牙兼食落滿口油香。而鹽燒秋刀魚都唔錯,燒得幾香,肉質唔會太老。 鹽燒鰹魚 & 豉油浸鏗魚  鹽燒鰹魚原來係夾住块炸蒜片,所以食起黎既有蒜香味又有火灼香味,層次豐富; 而另外的用豉油醃過的豉油浸鏗魚味道都唔錯,口感軟滑仲有淡淡的豉油味。 食完魚後仲可以食埋果幾块只有二十日便收成的醃 “大根”, 口感爽又味道清清地,可以清一清味蕾。 香廂蟹  香廂蟹原來就係雌性的松葉蟹。師傅事先已經將蟹籽蟹肉同埋蟹膏拆出黎放入蟹殻,方便食兼啖啖肉。蟹肉味鮮又帶香橙的清新。  白蝦壽司, 帶子壽司, 針魚壽司, 金目鯛壽司, 野生鰤魚壽司, 馬糞海膽壽司 & 吞拿魚腩件壽司 只係睇外型都知道係非常新鮮. 每一件都係咁肥美鮮甜, 質素非常高, 讚!  熱辣辣的立魚湯,味道鮮甜又唔會太鹹,仲有粒粒的新鮮元貝仔。 煎茶布甸  入口有淡淡的茶香又唔會有苦味,口感好滑奶味好香,又唔會太甜喎,真係非常好味。 唯一的缺點就係太細杯份量少左啲,如果份量大杯啲就更完美啦! continue reading
(The above review is the personal opinion of an user which does not represent OpenRice's point of view.)
Level4 2018-12-14
1373 views
廚師發辦,往往比人一份神秘驚喜既感覺~由前菜至甜品,每道菜都由師傅嚴選時令、最優質的,配合烹調技巧再以別出心裁的擺盤端上來~睇住師傅每一件創作更加係一種視覺享受,又可以直接交流~呢個都係令人愛上omakase既主要原因。今次黎到位於渣甸街既一座型格大廈18樓,主打廚師發辦既【鮨㐂】。簡約而優雅既裝潢,除左大廳既一列座位,仲有一邊可以包廂,私穩度極高~先來帶有秋意既3品前菜- 蝦既上面有烏魚子,下面夾有魚子 只係兩節既蝦肉,果種鮮甜爽彈既口感實在令人回味!- 香滑的蒸蛋白牛乳上面放上海膽,同樣既質感散發出不一樣的鮮!- 魚籽下有海參、橙、蘿蔔蓉配酸汁好有創意既配襯~之後就開始酒肴,即刺身環節一片左口魚卷住左口魚魚肝、芽蔥細嫩的肉質帶一絲清甜,魚肝綿綿的另一片卷住海參卵巢,淡香味似桂花蚌經火灸過既黑鯥魚,魚油豐富更鮮美。最後食鮮味既蠔仔然後有活貝3食 師傅先拍打貝肉,由於從殼取出仍是活的,拍打貝肉令其即時收縮便可嘗到爽口質感。將活貝分成貝柱、肉身、裙邊肉身較鮮,裙邊爽口。12月正正係北海道馬糞海膽既當造期濃厚既味道配上爽口滑嫩既純菜下有三文魚子 澳洲鮑魚點埋鮑魚肝醬食,增添一份滋味最後加入赤醋飯把鮑魚肝醬沾滿吃個清光! 沙甸魚做成卷物狀態混入芽蔥醬油既池魚 再嚐爽口既日本榨菜最後一品既酒肴: 醬油漬鰹魚刺身配上黃芥辣燒鰹魚夾有炸蒜片原來呢2種都係高知縣既食法炸蒜片 黃芥辣並無搶去魚既鮮味,反之更有層次!最後以20日大根,清清味蕾剛巧遇上香箱蟹既季節,有幸一嚐!香箱蟹係雌性既松葉蟹蟹蓋上盛滿4個部分蟹子(外子)、 蟹腳、 蟹膏(內子) 下面放有蟹肉,排得整整齊齊蟹膏濃香,蟹肉當然鮮甜啦! 之後到壽司部分:晶瑩既小白蝦,入口鮮甜肉彈,灑上柚子鹽更覺芳香! 3片薄切既深海池魚,肉質煙韌帶油香。金目鯛,肉質細緻肥美剝皮魚配上魚肝,魚肝既油份浸入魚肉,令肉質更細膩柔潤! 赤鯥,上面加上蒜泥,又將其連皮微灸以逼出油脂,品嘗時更感滑嫩香甜。最後就係毛蟹海膽、中拖羅,亦係我每次最想食到既壽司~毛蟹海膽,單係賣相已經令人垂涎欲滴。脹卜卜的海膽加埋一絲絲既毛蟹肉,一啖入口滿滿幸福感覺中拖羅,入口即溶魚味濃郁,滿足!!海參魚肉蟹肉貝湯將魚肉蟹肉都釀入海參,口感鮮味合為一體,再呷一口熱湯暖暖胃! 店長又細心地換了一杯煎茶原來用來配上甜品~煎茶布甸。煎茶跟滑溜的奶布甸配合得細緻,清香而不甜為一個豐富既晚餐作結。呢一晚完全感受到店既一絲不苟,每一個細節都配合得好好。用餐完畢,師傅仲會親自送客人至進𨋢才回崗位,實在令人窩心! continue reading
(The above review is the personal opinion of an user which does not represent OpenRice's point of view.)
Level4 2018-11-27
1383 views
年尾除左多人結婚外,仲多人生日,為慶祝重要日子,今晚同壽星黎到呢間開業2個月嘅日本菜店食飯喜歡食日本菜嘅友人,對於"廚師發辦"呢4個字表示興奮,今晚就選擇呢個"入門版"全店採用吧枱式入坐,可以近距離同師傅溝通,了解客人嘅口味,以製作出令客人滿意食物熱毛巾摸手後,飲啖茶就準備今晚呢餐盛宴啦 (期待MODE啟動)打頭陣係清新綠色食物,海葡萄及海帶,配以柚子醋汁食,令人胃口大開3品前菜就係眼前呢SET咁靚嘅擺盤大蝦肉彈牙,底部有麵豉加添味道,頂部有幾粒烏魚籽,味道唔錯!柿型器具內藏日本柿條,香甜味美,緩衝一下味蕾!再打開另一個器具,內有芋頭茸混入白子,而底部有芋頭茸混入蛋再蒸,口感比起單蛋來得綿滑!之後到酒肴 六品 (刺身類)左口魚薄切,包住香蔥,簡而清,食到魚肉原味道!另一件包住麵豉,咸中帶點甜味,為淡口嘅魚肉加點新意!燒香左嘅魚肉加多份香味,外微脆內軟,配埋大蔥碎,香中帶點微辛!鰹魚兩食: 有刺身內夾蒜片,食起黎先有蒜香味,之後到魚肉味; 而另一件係用醬汁醃過,食起黎多一份醬汁味道,魚肉口感比起刺身食法多一份軟滑!秋刀魚兩食: 經過熟成處理,令魚肉變得更濃味,入口香滑,令人一試難忘; 而魚尾部份略略燒一燒,又多一份香味!紫菜包扇貝 - 紫菜夠晒脆,用黎包住厚切扇貝夠口感,外面灑上少少七味粉作調味,一脆一軟,雙重口感!冰菜粒貝片 - 冰菜食落爽脆爆水,粒貝口感又係爽脆,兩者絶對係好拍檔!頂層選用北海道海膽,底層舖以三文魚籽,再加以樽菜,似有層透明啫喱包住,好得意呀!最佳食法當然係將所有食材撈均,一啖放入口,鮮味到爆呀!!御料理出場 : 今晚係呢客香箱蟹作代表,十一月份係當造季節,蟹蓋上有蟹籽,蟹肉及蟹膏,伴以用蟹蓋煮成嘅汁,而個黃色牌就係漁船嘅名字,即係疑似蟹嘅出世紙,真係欣賞日本人呢份認真態度!食法係將蟹汁撈入蟹蓋內再撈均,成隻蟹嘅鮮甜味道係口內爆發!跟住就到壽司環節,共有7件由廚師發辦嘅手握壽司,分別有喜之次,北寄貝,針魚,黑象拔蚌,池魚,海膽及中拖飯粒加左赤醋,無需點醬油已經夠晒味道,唔會大舊,造型吸引,每款都食得出自己原味道,唔係新鮮貨邊可以做到咁嘅效果?!用餐程序去到呢到就上埋呢碗立魚湯,除左立魚仲有其他魚一齊煮,味濃鮮甜,飲完壽司飲啖熱湯又確係幾舒服!呢餐美好嘅句號就由呢客日本蜜瓜寫上,甜美多汁,好想食多客呀.............食完呢一餐,除左滿足味蕾外,對於師傅精心設計食物安排,擺盤一絲不苟,呢份堅持就值得加許! continue reading
(The above review is the personal opinion of an user which does not represent OpenRice's point of view.)
Level4 2018-11-25
1142 views
11月,因為工作,幾乎沒好好放鬆,今天騰出了一個下午的時間放電,享受一頓日本料理。餐廳裝潢清雅,深沈的地板,配上淺色的木質桌椅,淺灰色的牆壁,整體風格很淡雅。所有顧客都會坐在板長前面的座位,欣賞並品嘗到師傅的手藝。利申我並不是花痴,但我發現這裡的師傅都高大帥氣,能讓顧客有視覺的享受。午市定食由$200多到$600多不等,季節魚定食到廚師發板定食都有。⭐️廚師發板九件壽司定食$438🔸前菜一品三文魚籽配雜菌,配搭新鮮。🔸沙律有蔬菜、牛油果、花生、豆腐和用番茄醋製成的果凍,入口酸酸甜甜的,層次多變,很開胃呢!🔸季節茶碗蒸這是蟹肉香菇燉蛋。蟹肉和蛋的味道清雅,香菇的味道非常突出,整體很好吃呢!由左至右,上而下介紹。🔸小麥蝦壽司入口軟腍細緻,還加了柚子香氣,味道清新。🔸深海池魚壽司淺色的魚肉入口很爽脆呢!加上青檸汁將魚肉的鮮味引了出來!🔸太刀魚壽司先炙燒過表皮,加了點岩鹽。炙燒過後,魚肉在生與熟之間,口感軟韌兼備,魚味濃郁。🔸池魚壽司魚的味道較濃,加入葱後,能突出魚的鮮甜,配上赤醋,入口軟腍、酸溜溜的,十分好吃。🔸鮮帶子壽司在帶子上加了青檸,入口爽嫩交織,鮮甜無比。🔸毛蟹海膽壽司毛蟹味淡,海膽味濃,兩者配合天衣無縫,配上赤醋飯,味道更鮮更濃呢!🔸赤目魚壽司表皮經過炙燒後,加上蒜末提味,入口香嫩。🔸鰤魚壽司表面色澤粉嫩,白色的脂肪細紋分佈均勻,加上柚子、梅子和山葵調味,入口滑溜柔軟,後來轉辣,很過癮。🔸吞拿魚壽司 是大拖羅,吃下去雖然有些筋,但魚肉有一股特殊天然油香,好吃。🔸立魚湯吃了一系列的壽司,最後來一碗湯暖暖暖肚子。魚湯呈濃稠的奶黃色,入口魚味濃郁鮮甜,配上特製的南瓜豆腐,口感很特別呢!🔸柚子雪糕清新的柚子雪糕夾著柚子肉,味道很清爽!▫️看見師傅用心製造每件壽司,令人賞心悅目呢!壽司整體也新鮮好吃喔! continue reading
(The above review is the personal opinion of an user which does not represent OpenRice's point of view.)
Level4 2018-11-21
286 views
知道呢度開咗間新既OMAKASE,就抱住期待既心嚟試下,自己都幾鐘意去唔同地方試呢種食法,因為可以真正享受一下廚師手勢。一坐底無耐,隔離已經又有一PAIR人嚟到,師傅們即刻好恭敬咁打招呼,聽到話應該係同行前輩,自己亦八卦下佢哋有乜意見啦~呢位前輩對呢度既魚類烹調處理手法好讚賞,而我自己就覺得今次好有日本風味,同平時食開既好唔同,完全無調整成番港口味,果種味道就好似去食緊懷石料理咁~好矜貴、每種味道都係香港別家難尋既…磯燒鮑魚食得多,醃漬過既鮑魚同埋用鮑魚內臟做醬就真係未試過,味道極為濃郁,好驚喜!另外秋刀魚刺魚又係第一次食到,原來係咁鮮味架~師傅用心地分別用咗薑蓉、豉油等唔同口味,令人每件都會認真細味一下~海葡萄隨時都响你左右,俾你响每碟間清清口腔,爽爽地好得意;而鰹魚就分別用咗蒜片、醃蘿白做調味,味道特別,一啲魚腥味都無,仲覺得幾鮮添~再嚟就係壽司!四款都係啱我胃口既食材,帶子厚身又鮮甜,海膽豐盛、紫菜下面既都係佢!仲有呢件大拖羅,完全入口即溶、油份重,食落有種回甘既感覺~比較少接觸赤鯥魚,味道幾清新,有少少醬汁吊味更鮮香;個人對貝類特別熱愛,呢個新北寄貝可以用爽而清嚟形容,入口有種好滿足;作為前菜,呢個螺肉都令人幾期待嚟緊既下一道菜,而八爪魚絕對係要嗒真啲,居然可以做到咁軟腍,好嘢!海膽魚子津菜,滑溜溜既口感好得意,酸酸甜甜亦好開胃;最後一片甜到絕既靜崗蜜瓜,呢一餐完全係美滿至極之作! continue reading
(The above review is the personal opinion of an user which does not represent OpenRice's point of view.)