鮨處松戶 (彩星集團大廈)

Open Now

Now Closed

妹妹今次考試成績大有進步，值得鼓勵一下，今日就帶佢去食日本菜，雖然佢係一間高檔次嘅餐廳，但係價錢頗為中肯，食物質素不錯。開始我哋點了一個日本凍蕃茄，顏色非常艷麗，每一片番茄都水分充足，鮮嫩香甜，非常可口。跟著一款雜錦刺身（特上）內容好豐富，吞拿魚腩，油光閃耀肉質飽滿潤澤，真係極上刺身。大型牡丹蝦鮮甜爽口，肉汁把口腔 填得滿滿的，非常滿足，我們連蝦頭都不放過。赤背肉質咬口清脆響亮，特別爽脆鮮甜。油甘魚閃爍晶瑩，柔軟甜潤，真係頂級食材。海膽軟綿綿，芳香撲鼻，甜美非凡。吞拿魚跟深海池魚都不遑多讓，同是優質食材，老闆絕不吝嗇。外形平實日式炸雞，食起嚟非一般，炸漿鬆化無比，雞肉纖維豐富，肉質味濃幼嫩，不需花巧調味已經散出本身質素。炸物（炸鰻魚）大廚手作非常工整，外面鬆脆，內心軟綿，時間控制恰當，鰻魚不失嫩滑，汁液豐盛。最後一個咖哩烏冬，都絕不馬虎，咖哩味香濃，牛肉入味夠嫩滑，烏冬滑捋捋得嚟又夠彈牙，大厨功不可沒。