Video
Read full review
2020-03-04
128 views
最近雖然係疫情期間，但係都坐唔定，唔可以成日留係屋企，就上網問吓人邊間Omakase好食⋯有人推介呢間，於是就訂座黎試吓好唔好食，又幾有驚喜！！入到去見到衛生做得好足，環境好乾淨，其實只需要勤洗手，多啲消毒，都唔使驚出街食飯。前菜有幾款，沖繩水雲都係第一次食咋！滑滑地爽爽地酸酸地，仲有青瓜粒、薑蓉，好開胃！白梅貝平時都好少聽呢個名，原來係較罕見的口感爽滑彈牙，成隻都可以食，而且師傅已經起咗出嚟就食得好方便！剝皮魚切到一條條，原來用魚肝做醬汁，可以提升佢嘅鮮味，仲配紫蘇葉花主要唔係整走個腥味，反而係令味道更豐富，只需要搞勻不用點豉油直接食已經好有鮮味。日本象拔蚌比較特別切到一條條，上面有桃仁醋Jelly柚子皮，點小小豉油就食得，食個鮮味及爽口為主。鱈魚白子平時成日都食，其實即係鱈魚精囊，用木魚水灼，整到半熟，係表面再加酸汁蘿白蓉，一齊食就變咗比較有鮮味，甜甜地。針魚個擺設整到好靚，成個樹葉咁，加d薑蔥豉油，味道清新食到佢個鮮味。棧子魚又係人生第一次食，用咗豉油燒，上面再鋪過一些芝麻，點Wasabi直接享用，質感比較林及鮮。大拖羅及燒大拖羅+紫菜都好正，非常肥美而且兩舊都冇筋，正合我意。鮟
入到去見到衛生做得好足，環境好乾淨，其實只需要勤洗手，多啲消毒，都唔使驚出街食飯。
前菜有幾款，沖繩水雲都係第一次食咋！滑滑地爽爽地酸酸地，仲有青瓜粒、薑蓉，好開胃！
白梅貝平時都好少聽呢個名，原來係較罕見的口感爽滑彈牙，成隻都可以食，而且師傅已經起咗出嚟就食得好方便！
剝皮魚切到一條條，原來用魚肝做醬汁，可以提升佢嘅鮮味，仲配紫蘇葉花主要唔係整走個腥味，反而係令味道更豐富，只需要搞勻不用點豉油直接食已經好有鮮味。
日本象拔蚌比較特別切到一條條，上面有桃仁醋Jelly柚子皮，點小小豉油就食得，食個鮮味及爽口為主。
鱈魚白子平時成日都食，其實即係鱈魚精囊，
用木魚水灼，整到半熟，係表面再加酸汁蘿白蓉，一齊食就變咗比較有鮮味，甜甜地。
針魚個擺設整到好靚，成個樹葉咁，加d薑蔥豉油，味道清新食到佢個鮮味。
棧子魚又係人生第一次食，用咗豉油燒，上面再鋪過一些芝麻，點Wasabi直接享用，質感比較林及鮮。
大拖羅及燒大拖羅+紫菜都好正，非常肥美而且兩舊都冇筋，正合我意。
鮟康魚乾就汁煮，聽講要浸兩日先食得，同出面唔同，冇用酸汁，味道都幾香㗎！
黑七味粉燒鰤魚，比起普通七味粉就辣少少，上面就有平時比較少啲見到嘅京都伏見青椒，冇出面啲青椒咁辣，仲有啲一條條嘅紅椒絲，令味道清新啲冇咁膩，雖然本身個魚都唔肥，但係其實呢個size嘅燒魚都幾飽。
之後就到食壽司嘅環節
赤貝壽司、牡丹蝦牡丹蝦蝦膏壽司、燒鰤魚（野生油甘魚）壽司、海膽壽司、三文魚籽壽司、燒左口魚邊壽司，總共有六件壽司，主要都係食個鮮味， 燒鰤魚（野生油甘魚）壽司同啱啱個黑七味粉燒鰤魚有好唔同嘅，因為呢個係輕輕於表面燒，所以食到比較多油同埋肥美些； 燒左口魚邊壽司就入口即溶，油脂甘香。其他唔講唔代表唔正，都好好食係想像中好吃的味道。
𩶘魚魚頭湯超級有魚香嘅鮮味，一定要趁着熱辣辣飲先會好飲，表面你仲會見到有一層小小嘅衣，不過都可以慢慢入，因為上來嘅時候係好鬼熱㗎～
去到甜品，因為我好鍾意芝士味道，見到有呢個日本直送芝士雪糕真係即刻心心眼，仲要個芝士味道好特別，好似平時買直接即食嘅芝士條，側邊包住魷魚絲嗰隻口味，第一次食咁樣口味嘅雪糕，如果讀者下次嚟到都有機會食呢個真係要試吓！
Post
