246
6
5
4-min walk from Exit A2, Sheung Wan MTR Station continue reading
All Branches (2)
Telephone
25671168
Opening Hours
Today
12:00 - 14:00
18:00 - 22:00
Mon - Sat
12:00 - 14:00
18:00 - 22:00
Sun
Closed
Payment Methods
Visa Master Cash AE UnionPay
Other Info
Phone Reservation
10% Service Charge
Review (267)
Level4 2022-01-26
3376 views
Lockdown前食到如此高質的omakase最後晚餐,實在太幸運了。師傅好專業,逐樣菜式詳細講解,真係一邊食一邊長知識。係港島區又咁高質,性價比唔錯呀,值得一試。另外特別想讚下師傅的漬物,醃蘿蔔、牛蒡(勁好食)、qui頭、麵豉醬醃蒜頭,全部都好好味,食唔停口。Omakase Dinner $1880pp前菜、7款刺身、2款和食、6款壽司、味增湯、甜品前菜有高野豆腐、沖繩水雲同秋田名物- 煙薰醃蘿蔔卷忌廉芝士,好有驚喜,鹹香好味又creamy又爽口。刺身:1/ 魴鮄魚刺身+ 富津針魚刺身-魴鮄魚加咗竹炭鹽撒喺面,魚身有啲甜味-針魚剛剛開始當造,魚肉比較爽身緊實2/ 北海道帆立貝刺身 + 響螺刺身- 帆立貝好鮮甜上面加了生嘅青海苔- 響螺好爽脆,先食無調味清爽的原味,然後試配醬油和青檸汁帶出更多鮮味3/ 天草池魚刺身細切-加咗博多嘅萬能蔥、日本京蔥、芝麻夾紫菜同紫蘇葉食勁香。4/ 北海道油甘魚刺身加了柚子胡椒帶微辣勁,輕輕火炙過,魚油較重。5/ 室津真蠔-海水味較均勻,冇咁膩滯,再加咗酸汁、辣椒蘿蔔蓉、萬能蔥食。6/ 鰆魚刺身(馬鮫魚)-油份比較重,加左海鹽燒脆左表面,迫到油香出黎,加左三升漬(北海道的特產,以份量各一公升的麵鼓、辣椒和米醃製而成)7/ 吞拿魚刺身半飼養吞拿魚會比野生的肥少啲筋,中拖羅就咁點醬油可以食返魚本身味道。大托羅燒完迫出油脂帶焦香就包紫蘇葉、wasabi 同京蔥壽司:1/ 手釣金目鯛是較高級的類別,經燙霜處理,魚皮較煙韌。2/ 北海道富山灣白蝦 - 本身蝦味唔濃所以配用蝦殼熬煮的醬油、柚子皮再加紫蘇花增味。口感較黏,漿口充滿膠質。3/ 北海道新鮮沙甸魚 - 第一次食到新鮮沙甸魚,佢魚骨好細好多,師傅密密地戒確保唔係有魚骨殘留,配薑蔥蓉減低鐵腥味,可能要再多點薑蔥蓉,仍是帶點腥味。4/疣鯛 - 係蒼魚bb,皮下脂肪較多,師傅輕輕燒過表皮迫出油份油香十足再配辣椒蘿蔔蓉、萬能蔥食。5/ 北海道白海膽壽司 - 今日才知道海膽有分白、黃、赤海膽,平時常常食到的係黃海膽,今次第一次試白海膽,係未受精的海膽,比一般黃海膽高級,味道係非一般的鮮甜,甜味很清雅,海膽新體驗!6/ 蝦夷鮑壽司 - 鮑魚同蘿蔔一齊煮,非常腍再帶蘿蔔香甜味,個鮑魚肝醬就咁配壽司飯都好食。7/ (追加)長崎縣新鮮鯖魚壽司 - 師傅介紹的,較少食到的新鮮鯖魚,配醃醋蘿蔔吊味,食到尾好重油香。和食方面有玻璃紙鍋,用上羽太魚、大蜆、舞茸菇、海帶做的湯,湯超清非常香濃,集海鮮的精華。另一款蒲燒太刀魚(牙帶魚),望落好似鰻魚不過佢肉質較腍,配上日本香草同wasabi一齊食,正😋味增用了白味增,赤味增,越前味增三種味增煮,比起坊間偏鹹嘅味增湯來說,鮨燐嘅味增湯會偏甘甜、香味濃。甜品係非一般的好食唔係hea貨。京都宇治抹茶奶凍好高質好好食,用上北海道3.6特濃牛乳做奶凍再有淡淡椰香,超級無敵滑溜 微甜配濃郁純抹茶醬超正,真心推介❗️當晚特別有食神,師傅送了一客鱈魚魚乾 - 超級香脆勁濃魚甘鹹香味,餸酒一流,勁上癮秒清😂 continue reading
(The above review is the personal opinion of a user which does not represent OpenRice's point of view.)
Level4 2022-05-08
156 views
之前食過覺得唔錯老友記話請我食生日飯所以決定再食一次壽司魚生set lunch豐富到一個點特別推介呢味柚子燉蛋又滑又香又開胃呀已經加晒分魚生同壽司都唔使講總之非常鮮甜美味師傅刀同工擺碟都非常到家呢個午餐$1000唔使 好坻食相片帶子刺身灑上少少碳鹽已經非常鮮甜北寄貝刺身 好爽脆好甜中拖羅無筋肥美炙燒嘅都好好味呢款和食係豆腐烹調得好有口感好入味好好食不過份量太多 好膩然後必須講牡丹蝦壽司配上蝦羔 真係好鮮甜係我食過最美味嘅做法然後係必吃嘅海膽壽司海膽必須拌飯 我話嘅最後 師傅悉心炮製綠茶奶凍我不太好綠茶嘅都覺得好好食好清新 剛剛好解膩 中和一下 continue reading
(The above review is the personal opinion of a user which does not represent OpenRice's point of view.)
Level4 2022-03-20
214 views
之前和客戶吃飯, 也因為自己腸胃問題而要吃熟食, 今次終於能夠吃到它的壽司, 午市的十四件壽司五百元左右, 性價比不錯, 總括而言質素不錯. 舍利酸度正常, 每件壽司的溫度偏涼而保持平均, 口感偏結實, 但內裡還有些少空氣感. 剌身新鮮, 沒有太強調熟成, 只是味道配搭較為單一, 特別是柚子用得有點密, 雖說其天然酸甜與刺身和春季的潮濕很配合, 但真的有點悶.圖一和圖二的吞拿魚以赤身表現更勝中拖羅一籌. 赤身以醬油醃過, 咸鮮度豐富而且沒有任何筋黏, 咬勁與順滑平均道夠, 是在香港我吃過其中一家赤自表現最好的鮨店.圖三的紫海膽味道和份量澎湃; 圖四的赤貝口感夠爽, 海水味自照且貝肉鮮甜, 沒有令人討厭的尿膱味, 兩者同樣令我滿意.圖五的梭子魚與圖六的右口魚是料理長給我們的小心思. 前者去骨做得足, 表面微微炙烤, 再加上松子的Nutty, 味道活潑而濃烈. 後者在刺身上加上烤過的右口魚裙邊, 油香和魚肉香結合, 鮮味更為突出, 口感先軟融後爽口, 對比度夠.圖八的bb銀鱈魚油香更豐富, 口感比成年的更稔更滑, 炙烤過將其油香迫出來, 上面的柚子漬中和了油膩感, 這樣才是運用柚子的最好方法.圖九左上角的蜜柑鯛以及圖十右上角的春魚鯛是我覺得還有改善空間的兩枚壽司, 不是因為刺身的問題, 而是Topping的配料選擇有點奇怪, 前者用上岩鹽, 其Stony及鹹度和刺身本身的蜜柑甜香有點格格不入. 後者添加的烏魚子同樣味道過於濃烈, 蓋過了刺身的鮮味. 這點料理長可以多加注意一下.The sushi rice of Sushi Rin are firm in texture with balanced sushi vinegar flavor. The temperature is low enough to keep the sashimi fresh in taste. The price of 14-piece sushi omakase is about HKD$500 which is reasonable. Tuna maguro (the red meat), sea urchin and ark shell sushi are my favorite. Giving that the excellent quality of sashimi, I suggest the flavoring may not need to be too strong for some sushi such as snapper. continue reading
(The above review is the personal opinion of a user which does not represent OpenRice's point of view.)
Level3 2022-02-05
192 views
無得去旅行,間中都會想同朋友搵d好食嘅日本刺身,無意中搵到呢間日本餐廳可以食到lunch嘅Omakase,每人$1,078 (連加一),地區環境同食物質素黎講都算唔錯,我地仲好好彩可以上樓上坐bar枱位,地方小小但好舒服😊今次唔需要左揀右揀食咩了,所有野由師傅發板🧑🏻‍🍳田園沙律D菜好新鮮,加埋醋汁好開胃🥗茶碗蒸蒸蛋嫰滑,連埋雜菇食更滋味🍄 刺身:章紅魚 - 味道甘甜,口感紮實爽滑北海道帆立貝配青海苔 - 帆立貝特別爽口有驚喜深海池魚 - 魚味濃肉質軟稔,加上碎蔥醬汁加添香味日本生蠔 - 雖然較細隻,但咬落好爽甜長崎拖羅 - 油脂分佈平均,入口即溶吞拿魚 - 師傅加咗醬油漬,紫蘇葉同京蔥,好喜歡紫蘇葉獨突嘅香味,用紫菜包住食,味道豐富唔油膩北海道牡丹蝦 - 蝦膏味濃郁甘香,肉質彈牙爽口🤤壽司:愛媛縣膠原蛋白鯛 - 師傅介紹呢款魚係食膠原蛋白長大的,味道較淡,如果多返d調味配搭會更好鮫魚 - 岩岩好唔肥唔瘦,同麵豉醬係好夾嘅新配搭北海道赤海膽 - 口感creamy爽口,齒頰留香赤貝 - 師傅會拍打幾下先上碟,爽滑有嚼口,味道鮮甜左口魚裙邊 - 火炙後入口即溶,油份豐富,肉質柔軟細膩鯖魚 - 師傅放上酸蘿蔔同蔥,味道好清新😋豬肉青蘋果卷新鮮嘅配搭估唔到會咁好食,酸酸甜甜又清香,好有層次😍腐皮昆布絲麵麵絲細滑,加埋腐皮味道清甜👍🏻黑豆抹茶奶凍抹茶味夠濃又唔會太甜😀師傅會親自挑選日本一d特別或時令嘅食材放入餐單,亦會細心講解每款來源同做法等等,會同客人有好多互動,好親切☺️今次嘅Omakase體驗唔錯,食材新鮮特別,服務又好,地方乾淨企理,而家疫情期間去唔到日本,黎呢道食都好滿足😺 continue reading
(The above review is the personal opinion of a user which does not represent OpenRice's point of view.)
喺禁晚巿堂食之前到訪左𝗦𝘂𝘀𝗵𝗶𝗥𝗶𝗻嘅上環分店~佢地尖沙咀都有分店的喔🤙🏻當晚由良師傅負責我地嘅晚餐🙇🏻‍♀️選了$𝟷,𝟾𝟾𝟶的廚師發辦!整體也很滿意!特別中意佢地有啲特別嘅魚類同有𝚑𝚎𝚊𝚛𝚝嘅處理手法!🔻前菜• 高野豆腐 • 沖繩水雲 • 煙薰醃蘿蔔卷配𝚌𝚛𝚎𝚊𝚖 𝚌𝚑𝚎𝚎𝚜𝚎豆腐十分嫩滑 汁醬也調得很好吃🤤煙薰醃蘿蔔卷配𝚌𝚛𝚎𝚊𝚖 𝚌𝚑𝚎𝚎𝚜𝚎 醃蘿蔔剛好解了膩 兩者加埋口感豐富又開胃~🔻刺身• 魴鮄魚刺身 • 富津針魚刺身魴鮄魚配上竹炭鹽 不搶魚身甜味師傅話針魚剛剛開始當造!食落鮮味十足!• 北海道帆立貝刺身 • 響螺刺身我真的超喜歡吃帆立貝刺身🤯食落十分鮮甜!師傅還加了生的青海苔在刺身上 多了重口感而不會搶了焦點~響螺原味送上 一共有三片~做了個三味 大滿足!原味 配醬油 配青檸汁!響螺帶嚼勁 鮮甜好吃 不調味也大滿足呢🤩• 天草池魚刺身細切師傅把天草池魚切成小條配上博多萬能蔥、日本京蔥同芝麻!份量絕不欺場~配上脆身的紫菜吃 滿滿的刺身餡口感香氣也豐富 魚也鮮甜 餘韻十足!• 北海道油甘魚刺身輕輕火炙了邊位 再搭上柚子胡椒更能帶出魚香 魚油味濃郁🥰• 室津真蠔肉質偏爽 味道夠鮮 食完都不會太膩!• 鰆魚刺身馬鮫魚油香滿滿 配上海鹽燒脆表面 咸香十足!• 吞拿魚刺身半飼養吞拿魚 入口已經溶左大半!食落沒有筋 而且很肥美!大拖羅配上紫蘇葉 𝚠𝚊𝚜𝚊𝚋𝚒和京蔥肥美而香口!🔻 和食• 玻璃紙鍋很特別的湯!師傅說因為工序比較繁複 所以比較少見~用上大蜆、舞茸菇、海帶和羽太魚!蜆超大隻肥美 湯頭鮮甜😇🔻 壽司• 千葉縣地金目鯛壽司• 北海道富山灣白蝦壽司用蝦殼豉油輕醃過 蝦味更濃配上紫蘇葉的花和柚子皮提味而不會蓋過蝦味 蝦是偏漿口的!• 北海道新鮮沙甸魚壽司這個我自己覺得有點小腥 本人不太受得了腥味😂• 疣鯛壽司其是是蒼魚寶寶喔!燒過後油香十足 也帶微微焦香~• 北海道白海膽壽司即使不是當造也好好吃!超鮮甜!• 蝦夷鮑壽司鮑魚好鮮甜!另外用上日本蘿蔔 蘿蔔超香甜!簡單配搭但好吃!• 長崎縣新鮮鯖魚壽司 (追加)配上醃醋蘿蔔帶出味道 加添口感!油香十足!🔻 和食• 蒲燒太刀魚肉質比起鰻魚較為軟一點點 不會腥 調味也剛好!🔻味增湯白味增 赤味增 越前味增的配合飲落甘甜 不會過咸!🔻甜品抹茶奶凍很驚喜!宇治抹茶再配上北海道3.6特濃牛乳和椰絲入口基本上唔洗咬 超滑!不會太甜 抹茶味濃帶回甘~整體很滿意的一晚🥰師傅很詳細介紹 而且店員服務態度也很好!見茶涼了就馬上給我換了一杯熱的 大滿足! continue reading
(The above review is the personal opinion of a user which does not represent OpenRice's point of view.)