點一龍 (海港城) (Closed)

海港城真係好多嘢食，如果比我自己一個係度，實凈系揀食咩都揀半日，去龍一點食點心係偶然，咁啱經過嘅時候，見到門口貼住鮑魚蛋撻嘅宣傳畫，覺得幾新鮮同特別，未食過就想試下味道點。環境都幾好，點心其實都係嗰幾樣，就睇整得好唔好食，腸粉同排骨都唔錯，腸粉幾滑，排骨蒸得幾嫩，幾入味，蘿卜糕就稍為差左少少，蘿卜分量唔夠多，味道唔夠。鳳爪蒸得好淋，好入味，不過就有少少咸，蝦餃好食，蝦好新鮮好彈牙，而且味道都唔錯，今日最期待嘅鮑魚蛋撻，價錢要$50，雖然點嗰時有少少肉赤，但起碼有只鮑魚，蛋撻收好酥香，皮好脆，試過一次就算喇，因為都無鮑魚味，都係賣個新奇。