Video
Read full review
2025-06-29
106 views
今次去咗間我覺得好高級而又神秘嘅餐廳～個名都特別過人！一開頭以為係美容院🤣仲要個場地勁大！有16000平方呎！但係原來依度係主打精緻魯菜和川菜，仲要拎過幾年米芝蓮✨魯菜我真係第一次食！依度環境高雅，適合聚餐，或者商務宴我都覺得好適合！今次食咗星品味1880餐，菜式豐富，食到好飽～每一道都有心思，味道層次分明。特別欣賞佢哋好細心💕幾乎每道菜嘅底部都有火去熱住！唔會驚啲餸會凍咗！-脆蔥手撕諸城燻雞🍗-老虎菜熗拌豆皮🫛山東諸城走地雞，手撕得啱啱好！簡單調味已經好足夠；後者豆皮加上洋蔥，口感好特別！前菜嚟講好多-膠東蔥燒渤海灣帶魚🐟樣子雖然不算討好，但係顛覆咗我嘅想像！第一次食渤海灣帶魚，好似魚扒咁好大嚿，但係裏面好滑身！-宮保手剝大蝦球🦐依個真係超級好食! 蝦肉爽彈而且好新鮮，醬汁微辣惹味，如果可以配飯就一流！-膠東大燴菜🥬好大煲！仲要用瓦煲上！裏面好多配料，每樣食材好新鮮！仲要配埋我最鍾意嘅寬粉，吸晒啲醬汁真係好正！-酸菜鮮肉餃子🥟餃子份量好多！係冇可能唔飽！餃子溫度啱啱好，好滿足-國宴烏魚蛋湯🍲深海烏魚鮮味，湯色清澈，湯底鮮甜，入口溫潤，好暖胃。 -傳統北京烤鴨🦆師傅會即場喺你面前切！
今次食咗星品味1880餐，菜式豐富，食到好飽～每一道都有心思，味道層次分明。特別欣賞佢哋好細心💕幾乎每道菜嘅底部都有火去熱住！唔會驚啲餸會凍咗！
-脆蔥手撕諸城燻雞🍗
-老虎菜熗拌豆皮🫛
山東諸城走地雞，手撕得啱啱好！簡單調味已經好足夠；後者豆皮加上洋蔥，口感好特別！前菜嚟講好多
-膠東蔥燒渤海灣帶魚🐟
樣子雖然不算討好，但係顛覆咗我嘅想像！第一次食渤海灣帶魚，好似魚扒咁好大嚿，但係裏面好滑身！
-宮保手剝大蝦球🦐
依個真係超級好食! 蝦肉爽彈而且好新鮮，醬汁微辣惹味，如果可以配飯就一流！
-膠東大燴菜🥬
好大煲！仲要用瓦煲上！裏面好多配料，每樣食材好新鮮！仲要配埋我最鍾意嘅寬粉，吸晒啲醬汁真係好正！
-酸菜鮮肉餃子🥟
餃子份量好多！係冇可能唔飽！餃子溫度啱啱好，好滿足
-國宴烏魚蛋湯🍲
深海烏魚鮮味，湯色清澈，湯底鮮甜，入口溫潤，好暖胃。
-傳統北京烤鴨🦆
師傅會即場喺你面前切！好有誠意
皮燒得脆脆，好惹味！好耐冇食過覺得咁好食嘅片皮鴨！而且佢竟然配山楂條，油膩感被完美解構 ！
-阿膠絲滑酸奶🍮
質感好滑，清新解膩！我覺得好好食
Post
