燒魂屋 (Closed)

有朋友由荃灣放工黎meet我食晚飯,於是今晚我地2個人就諗左好耐,都係決定去食日式放題多過自助餐,點解?因為放題主要要野食款式多,而且魚生可以大量叫! 唔似自助餐敢孤寒... 講番食物質素,我要特別讚既係呢度既魚生質素,我地叫左三輪,雖然頭2輪之後就唔係冰盤上,但三輪既份量都令人滿意(當然你也無可能填99而expect人地比99塊你吧..),而叫得燒魂,都令我想試下佢呢度既串燒,卒之我地叫左牛舌,雞翼,同茄子等等...牛舌真係幾有油香味,配上黑椒2者味道很配合,喜歡既可以點埋佢提供既for串燒既汁,酸酸味味,仲有少少果香tim!雞翼佢燒得最好就係皮燒得脆脆地,而且肉質不乾. 雞翼既size啱啱好,如果可以好似出面咁拆埋骨就好啦! 之後我地仲叫左冷烏冬同拉麵,冷烏冬叫佢多蔥又真係有加喎!個烏冬撈埋生蛋再點汁食,好滑do do呀haha! 呢度最好既就係可以同朋友啤返2杯. 又俾我發現到佢有露台位,一於秋天再同佢黎第二回合\