Video
3-min walk from Exit N2, Tsim Sha Tsui / East Tsim Sha Tsui MTR Station
continue reading
Introduction
佔地萬呎,舒適的獨立卡座,派對專用VIP房,過百款日式料理任君選擇
continue reading
Opening Hours
Mon - Sun
16:30 - 02:30
Above information is for reference only. Please check details with the restaurant.
真係激死我，我同老公去慶祝兩週年，唔知食咩好，咁行到呢到樓下，有個派傳單既男人話，試下啦，送日本生蠔你地食！我地起初都唔去架，但四周無咩好食，就試下！一入去，地方幾舒服，我仲好開心 。但。。剌生黎到後，惡夢開始， 送的一客剌生，有帆立貝，我一食。。。嘩。。元貝嗎？完全無味，又實，難食。三文魚可以。飲品味道好奇怪！最後一定要講個日本生蠔，一見到就唔想食，無殻包住，好似桶蠔，共四隻。我老公試第一口，即刻吐出黎。 埋單每位260左右。。。 大家，揀放題要小心，我不會再黎！
continue reading
食日本放題,梗係要order 必要既刺身啦! 呢度既刺生頭輪原來會砌到靚一靚,放係碎冰上面上架喎! 夾一舊三文魚入口,唔~~真係好凍,但係D肥膏係口又覺得好好食XD再來一舊吞拿魚,肉質結實,最好就係緩和三文魚既肥膩感!咦?呢度D甜蝦咁大條既?唔係呱!抆左蝦尾,連埋蝦頭一齊啜入口...阿~~蝦肉好啜牙又鮮甜,蝦膏又甘口,一個字鮮! 見到有燒野食,唔洗自己燒梗係好啦! order 左燒一口牛chicken wing, 燒粟米茄子等等...最好食其實竟然係茄子,香料蒜泥下得足,香辛可口!死啦!食食下唔記得影相,好在,仲有呢度我認為都係好食既炸物,炸蝦同甜蝦一樣出色,好奇怪老闆點樣入呢D靚蝦,因為好少2樣生同熟都好食! 值得一提呢度個炸薯餅都好好食ga!不過唔係M記個種,係日式個種,入面滲左少少芝士,更加香口!最後我地用雪糕作結尾,老實講,甜品就冇咩特別啦!但食左成晚油膩野,點都要清清個味蕾
continue reading
好耐無寫食評了。但今次真的想推介下俾大家。呢間野係三個月前有人介紹我食。話係新開張仲有學生半價$113位。當然好吸引啦。膽粗粗去試下。一食食左3次。估吾到9月都仲有半價。仲要大專學生證都得。先講環境：間野新開。加上吾係大街要開地圖先搵到（係m記對面）。入到去地方好大。主要以卡位的座位。所以吾會好似平時食其他放題甘坐到好逼。傾計談心都自在d 。洗手間好乾淨同企理。不過間野個冷氣都幾凍。所以每次都會帶件外套服務：d 侍應服務好好。有禮貌同埋有效率。特別女侍應超好服務態度。上菜速度：都好快。好少漏單。不過有時寫2串串燒就自然多一兩串食物種類：好多。串燒最好味。問過個女侍應。佢話呢間係同燒魂一同一集團。飲品：野飲係自助。有提子汁。橙汁。熱茶。汽水。仲有一部自動沖牛奶咖啡。朱古力機。今次我飲左3杯美祿。我男友最喜歡提子汁溝雪碧或忌廉食物質數：沙律：個人喜歡蟹子沙律同燒魂刺身沙律。燒魂沙律係用芝麻醬。我覺得好好味。女孩子最愛。仲有味付墨魚大大粒好食刺身：一去到會比一盤剌身你。入面有幾款。當中三文魚。希靈魚同甜蝦最好味。反而帶子有d 乾身同醒左d 。食完呢盤之後我地就只叫3文魚。因為3文魚食過幾次都覺得吾錯串燒：基本上d 選擇好多都有齊燒魂一個d 食物。但係有人燒俾你。但有時好睇個師傅燒成點。食左3次。今次d 串燒真係正。牛舌兩個人食左5串。佢燒得岩岩好。一口牛都好味。仲有d 蝦好大隻又吾霉。想食下菜就可以叫燒翠肉瓜。好爽同有水份。另外芝士魚餅爆多芝士。特別推介。燒菠蘿。好少放題會有。我食左4舊。哈哈。鐘意食魚既人可以叫秋刀魚同3文魚頭。小食： 糖心蛋整得好流心。不過係凍食。酒煮蜆好重酒味。但我覺得幾好。我男友就吾太喜歡甘重酒味。另外枝豆就最適合無野做或者消化緊個陣黎咬下。鳳爪就麻麻地。炸魚同薯角都係普通野炸物：天婦羅蝦勁好味。d 炸粉炸得岩岩好。炸蠔入面仲有汁。各食左5舊甘多。炸雞軟骨超好口感。見平時出面食都要3十蚊碟。即時叫左2份。不過炸蟹柳。水蜜桃就普通。但食炸野一定要羅沙律醬先美味壽司：一般般。可試或不試。d 飯較鬆散鐵板雜菜。烏冬：太濃味同咸鍋類：今次食左牛乳牛肉烏冬鍋。我地覺得好食。入面有好多菜。幾舊肥牛。成鍋清晒甜品：三款雪糕。並不是大牌子雪糕。但有芝麻。豆腐。綠茶總括黎講。平時我食開x壽同大x屋。相對個度地方就好逼。但個度食物係好食。但就食得好趕急。不過對於旺角兆萬個d .我會首選食呢間。因為食物夠熱多款同坐得舒服。食左2個小時多。間野新開將所以好少人知道有呢間野。家陣做緊學生半價宣傳。如果間野能夠多d 從不同渠道做宣傳生意會更旺。但食左3次都覺得下次係可以再黎。6點半時段188加1。學生就半價9月份優惠。兩人埋單226元。但優惠一定要用信用卡結賬
continue reading
有朋友由荃灣放工黎meet我食晚飯,於是今晚我地2個人就諗左好耐,都係決定去食日式放題多過自助餐,點解?因為放題主要要野食款式多,而且魚生可以大量叫! 唔似自助餐敢孤寒... 講番食物質素,我要特別讚既係呢度既魚生質素,我地叫左三輪,雖然頭2輪之後就唔係冰盤上,但三輪既份量都令人滿意(當然你也無可能填99而expect人地比99塊你吧..),而叫得燒魂,都令我想試下佢呢度既串燒,卒之我地叫左牛舌,雞翼,同茄子等等...牛舌真係幾有油香味,配上黑椒2者味道很配合,喜歡既可以點埋佢提供既for串燒既汁,酸酸味味,仲有少少果香tim!雞翼佢燒得最好就係皮燒得脆脆地,而且肉質不乾. 雞翼既size啱啱好,如果可以好似出面咁拆埋骨就好啦! 之後我地仲叫左冷烏冬同拉麵,冷烏冬叫佢多蔥又真係有加喎!個烏冬撈埋生蛋再點汁食,好滑do do呀haha! 呢度最好既就係可以同朋友啤返2杯. 又俾我發現到佢有露台位,一於秋天再同佢黎第二回合\
continue reading
去農村開日本餐廳等發達，其實真係唔難。只要鋪面裝修靚靚，掛幾塊寫日文嘅布同板，門口放個日本酒擺設，啲茂利就會以為任何上枱嘅都係日本直送美食。尋晚我同男朋友就係咁樣上咗當。喺餐廳樓下見到張剪報，睇落似係報紙訪問，話有多年經驗嘅日籍師傅駐場。睇落好似唔錯喎，於是我哋就摸上去試下。入到餐廳，裝修幾好喎。地方寬敞，每枱之間都有一段距離，咁嘅格局喺放題餐廳嚟講非常難得。客人唔多，得四五枱，主要坐喺門口一帶。餐廳播住up beat澎湃嘅音樂，仲有天空之城同龍貓嘅remix版㖭，加上聲浪之大，我差啲以為自己去咗劈場。坐低嗰吓，即刻有女侍應嚟話會先上一個刺身拼盤，嘢食可以慢慢畫，嘢飲就去自助飲品吧自己拎。佢態度殷勤有禮，令我哋就咁墮入天仙局。叫咗幾樣壽司、軍艦同沙律，我就出去飲品吧打個轉。汽水有好幾種，重有熱水同茉莉花茶㖭，之不過綠茶欠奉。為咗彌補不足，店方另外放咗三桶睇落新奇好玩又刺激嘅飲品任君選擇。我呢啲大鄉里出城，實在少見多怪，忍唔住影低其中一桶公諸同好。埋到位，都仲未知道伏已中，兩個人繼續黐黐呆呆坐埋一台，熱切期待上菜一刻。說時遲那時快，刺身拼盤一個箭步，華麗麗咁登場鳥。諗返真係有少少後悔，我呢個鄉下妹居然無影相，白白浪費一個上面書曬命嘅機會。要知道當晚嘅刺身拼盤非一般刺身拼盤可以媲美，我為佢改咗個名－後現代建構主義刺身拼盤。師傅刀功精湛，冰上鋪嘅每一塊三文魚、吞拿魚、鮑魚、希靈魚、劍魚腩、帶子同油甘魚，大細厚薄大不相同，形狀毫不一致；甜蝦嘅大細長短亦有所差異，有啲仲係得半截嘅㖭。望住呢件五花八門嘅藝術品，我呢個大老粗居然毫無憐香惜玉嘅心，就咁一口吔咗八分之一件帶子落肚。就係咁，我就受到日式料理神嘅懲罰。時間彷彿喺嗰一剎那停止，味蕾上嘅腥味陡然爆發，軟綿綿嘅帶子小姐輕輕黏上我條脷，難捨難離。我突然諗起以前上邏輯堂時助教講嘅一番說話：「好嘅日本餐廳會喺刺身下面鋪層冰，但係唔代表有鋪冰嘅都係好嘅。」我飲啖忌廉梳打，繼續挑戰其他佳麗。吞拿魚切到藕斷絲連，三四個斷層連住上；希靈魚三尖八角，腥味層出不窮；劍魚腩同油甘魚，食落其實差唔多味。成盤嘢就只有三文魚同鮑魚放得落口，所以其他佳麗就一直瞓喺冷宮上面，最後為咗唔好留低咁多廚餘，我就同男朋友一人一件輪流食埋佢。接落嚟嘅選手係火炙壽司。黑椒吞拿魚因為帶住濃濃腥味，所以無論點乾點硬，我都仲可以知道自己食緊魚。至於芝士鰻魚同芝士帶子嘅質感，簡直難以形容，加上卡夫芝士霸道嘅味道，的的確確為味蕾提供一次新體驗。神秘嘅係所有火炙壽司上枱嘅時候都係凍嘅，似乎間餐廳係用冰火燒嘅，今次又學到新嘢喇。完咗火炙，輪到軍艦同沙律。海膽軍艦非常正常，入口嗰刻我差啲感動到喊出嚟。辣味三文魚無魚味，不過有辣味，至少交咗一半戲。層紫菜係全餐廳最新鮮嘅食材，多少可以包實入面舊酸到不行嘅飯糰。我哋叫咗冷豆腐沙律、中華沙律同蒜味墨魚仔。冷豆腐沙律其實就係一般沙律菜加細細粒嘅豆腐淋上日式芝麻醬所製成。入面嘅百福豆腐滑到呢，簡直繞樑三日，令我哋完全唔記得剪報話啲豆腐係自家製嘅。墨魚仔同正常日本食肆提供嘅無咩分別，當然如果無雪咁耐而搞到啲醬汁起粒粒就天衣無縫啦。正當我以為日式料理神比我嘅試鍊已經告一段落嘅時候，佢又再次顯靈鳥。個中華沙律貌不驚人，頂多係少啲芝麻，顏色再鮮豔啲。點知一入口，嘩！忍唔住要將佢即刻出口。嗰種曖昧嘅口感同奇妙嘅味道，仲奇異過奇異種子呀。男朋友見我驚魂不定，即刻放一大扎入口，咁又做咗個轉口港喇。你知啦，食放題有嘢食剩要罰錢㗎嘛，打死都唔好俾個中華沙律滯留啦。於是我男朋友同一個男侍應講個中華沙律變咗，可唔可以收咗佢。個侍應呆一呆，即係拎走個中華沙律，走咗入廚房。呢個時候我哋都仲未識死，反正錢係咪都要俾，一於同佢死過。男朋友話食日本嘢就好似食女咁，食熟嘅總安全過食生嘅。聽落又好似有幾分道理，於是就畫咗幾樣串燒、爐端燒，加多個冷麵同牛骨湯。落咗單無耐，先前嘅男侍應再次出場。佢非常客氣咁放低一個中華沙律，好有禮貌咁道歉，話換咗個新嘅俾我哋。我咬咗一啖，再嘔返出嚟，真係一山還有一山高呀。等咗無耐，各樣熟食紛紛上場。廚房非常貼心，每樣嘢都保持室溫，費事我哋熱親條脷。個豬頸肉落咗好多鬆肉粉，放入口嗰下真係唔知自己食緊咩。雞中翼非常純粹，無醃無燒，入口就知道係煎嘅，上面仲有點點血漬。燒一口豆腐變咗唔臭嘅炸臭豆腐，而芝士豆腐就變咗打邊爐嗰種芝心丸。冬菇食落無咩唔妥，不過望落似係俾唔知咩咬咗兩啖咁樣。好彩牛舌同一口牛肉尚算正常，所以之後再叫多咗兩客。牛骨湯個味道同出前一丁隻東京醬油豬骨湯一樣，不過話晒係餐廳出品喎，點會淨係得湯呢？所以湯上附送幾堆漂流嘅唔知咩肉粒。我望住個湯，我望唔透，我真係唔明點解隔離啲客人會食得咁開心，仲話啲嘢食有幾新鮮幾好味。最後嚟嘅係冷麵。個醬汁帶有沙律醬嘅質感，但係帶住一股辣味。配上硬身嘅麵條、青瓜絲、粟米粒同蟹柳絲，個冷麵靜靜等待下一位勇者嘅挑戰。當我默默同兜麵作戰嘅時候，男朋友去咗洗手間。到我開始懷疑佢跌咗落馬桶浸死咗嗰陣，佢終於笑騎騎咁死返嚟。原來佢去廁所之前特登去咗廚房門口打個轉，發現嗰位所謂專誠喺日本請返嚟嘅日籍師傅講嘅廣東話仲流利過唐英年，睇怕都嚟咗香港四十幾年囉。入到去廁所，佢就發現幾桶汽水棟喺入面，唔知間餐廳係唔係用可樂洗馬桶嘅呢？去完廁所，自然會用梘液洗手。撳咗兩下，發現梘液個質地幾別緻喎。一望，見到啲梘液適合油性髮質，原來係護髮素嚟嘅。睇嚟呢間餐廳真係好體貼，甚至連客人嘅手毛都會細心呵護。罷了，罷了，呢個時候我哋先識埋單走人。每位連加一盛惠二百四十蚊。落到去大堂，我再望兩眼份剪報，「X你，廣告嚟嘅喂！」去到呢一刻我先至明白，懲罰我嘅從來都唔係日式料理神，而係豆腐火腩神。
continue reading