Cafe Whale

Open Now

Now Closed

這個魚湯烏冬盛惠$75，入面D料只有魚片、魚蛋、魚片頭同埋娃娃菜，再加兩粒番茄仔同埋野飲連埋，野飲就係雪櫃入面D汽水、紙包裝飲品同埋礦泉水任揀，好似有D貴，今次終於試咗，重點係佢個魚湯，真係好鮮味，魚味好濃，個湯嘅質地都香滑，似乎真係自己煲而唔係工業製成品黎嘅，無味精嘅感覺，呢度個廚真係非常有誠意。成日經過都見佢門口貼張野出黎話「魚湯烏冬售罄」，真係有料到。另外仲叫咗個腐乳薯條，喺薯條上加一粒乾嘅腐乳，然後仲有個腐乳醬，估唔到腐乳同薯條都幾夾，同埋粒乾腐乳都幾過癮。一人前$123，無收加一，物有所值。