Mini Friday (銀城廣場) (Closed)

同朋友放工後去開旺角行街，突然想食西餐鋸牛扒，行到銀城廣場附近，有個婆婆派宣傳單張，而且好熱情殷勤咁介紹我哋，再望一望就係呢間mini friday嘅宣傳單張，所以我同朋友就搭電梯上咗嚟呢間餐廳諗住試下嘅西餐。同瓊華一樣，一層一餐廳，門口都幾靚可能時間尚早，我地被安排坐窗口位置，個景唔錯喎一坐底，侍應就上咗墨西哥脆脆，配千島沙律醬，味道酸酸地，食1完好開胃見到晚餐有龍蝦，我就忍唔住叫咗份，而朋友就叫咗肉眼扒前菜係生果沙律，好多生果，菜新鮮嚿龍蝦好多膏，所以超正啊，配蕃薯泥同埋冰菜，好特別啊(第一次食冰菜，好爽身，索哂啲汁好入味)朋友話塊扒煎得好好，5成熟沒有過熟，軟軟又滿有肉汁甜品都有驚喜，雖然細細嚿，但芒果味十足，同埋佢雪到勁凍，擺落口嗰吓超正餐飲都係普通，可以半價轉特飲，本來想試維他奶沙冰，最後因為太飽放棄了總括嚟講，味道唔錯，上菜都好快，環境又靜，同朋友嚟傾吓計聚吓都係幾好嘅選擇。