Video
Read full review
2019-02-21
54 views
同朋友聚聚吹水最岩就係食住惹味食物飲住啤酒黎傾。今晚就揀左係山林道轉入巷仔呢間串燒店，食店燈光黃暖調偏暗配上木枱有居酒屋既格調打開餐牌有好多多多選擇，好吸引真係樣樣都想試，奈何眼闊肚窄只好取捨一下一開波即黎個燒餃子雞翼開胃先燒得岩岩好，雞皮脆邊裡面肉嫩多汁惹味汁燒雞泡魚乾同個名一樣 - 惹味，即刻要叫返支啤酒黎送酒見到餐牌有廣東話精髓 - 粗口字手工啤酒當然要叫返兩支，"你"字係朋友既，"柒"字係我既 雖然掛住粗口字，但飲落唔激烈，口味溫和女仔都可以飲串酒里燒蠔拼盤推介比中意食燒蠔既人，一次滿足晒咁多口味，記得趁熱食啊蒜蓉燒原條茄子燒到夠淋，加埋蒜蓉木魚碎惹味到一個點，都未食完我已經話要再黎一碟黑松露蒜容燒扇貝其實個扇貝本身都夠鮮味，所以如果蒜容落少D反而更好燒秋葵食落無潺，爽口清新，呢個又係食完要再叫多串既燒麻吉+燒蕃薯唔知麻吉係咩黎好奇之下叫的，食落口感煙煙韌韌甜甜地又幾好味(事後搜尋返應該係似麻糬類既食物)燒粟米正常發揮，但係店家幾貼心將栗米切開細件方便進食燒韭菜有無韭菜啊~呢個燒韭菜食落又幾過癮，夠香又無渣，其實應該要開始果陣叫黎送酒就最岩最後係用冬蔭功汁燒8吋虎蝦埋尾隻虎蝦係
食店燈光黃暖調偏暗配上木枱有居酒屋既格調
打開餐牌有好多多多選擇，好吸引真係樣樣都想試，奈何眼闊肚窄只好取捨一下
一開波即黎個燒餃子雞翼開胃先
燒得岩岩好，雞皮脆邊裡面肉嫩多汁
惹味汁燒雞泡魚乾
同個名一樣 - 惹味，即刻要叫返支啤酒黎送酒
見到餐牌有廣東話精髓 - 粗口字手工啤酒當然要叫返兩支，"你"字係朋友既，"柒"字係我既
雖然掛住粗口字，但飲落唔激烈，口味溫和女仔都可以飲
串酒里燒蠔拼盤
推介比中意食燒蠔既人，一次滿足晒咁多口味，記得趁熱食啊
蒜蓉燒原條茄子
燒到夠淋，加埋蒜蓉木魚碎惹味到一個點，都未食完我已經話要再黎一碟
黑松露蒜容燒扇貝
其實個扇貝本身都夠鮮味，所以如果蒜容落少D反而更好
燒秋葵
食落無潺，爽口清新，呢個又係食完要再叫多串既
燒麻吉+燒蕃薯
唔知麻吉係咩黎好奇之下叫的，食落口感煙煙韌韌甜甜地又幾好味
(事後搜尋返應該係似麻糬類既食物)
燒粟米
正常發揮，但係店家幾貼心將栗米切開細件方便進食
燒韭菜
有無韭菜啊~呢個燒韭菜食落又幾過癮，夠香又無渣，其實應該要開始果陣叫黎送酒就最岩
最後係用冬蔭功汁燒8吋虎蝦埋尾
隻虎蝦係入晒冬蔭功味的，好香而且啖啖肉，如果唔係飽左真係想叫多隻~
下次可以約多D朋友黎，try try 其他野:-P
Post
