382
16
10
3-min walk from Exit D, Jordan MTR Station continue reading
Telephone
22345001
95099995
Introduction
KEBABEER is a Japanese roast meat and skewer restaurant. They have different types of skewers like corn, egg, beef tongue and pork neck. continue reading
Opening Hours
Today
18:00 - 01:00
Mon - Sun
18:00 - 01:00
Payment Method
Visa Master Cash
Number of Seats
40
Other Info
Online Reservation
Alcoholic Drinks
Reward Dining Points
10% Service Charge
Outdoor Seating
TV Broadcast
About Reward Scheme
Review (422)
Level4 2018-12-04
203 views
串酒里位於尖沙咀山林道的一個在小巷裡,門口已看到這裡的招牌粗口啤酒。啤酒是由本地釀啤酒廠製造的,夠晒本地。店舖有戶外和室內,今日因為落雨,所以只可揀室內,好啱三五知己來邊飲邊傾。店內的粗口啤酒樽裝飾好吸晴。講返串燒,種類眾多,除咗肉類、海鮮類、蔬菜,仲有唔少特色串燒,一款食材仲有幾款燒法,食物予人煥然一新的感覺。最先上場的是邪惡之首黃金扭扭薯條 $49,香脆惹味,忍唔住一條接一條咁食。日式燒魷魚 $79燒魷魚最香,肉質較厚,食落有嚼勁,魷魚同啤酒係絕配。惹味汁燒雞泡魚乾 $49食落有魚乾香氣,送啤酒一流!秘製汁燒鮑魚(兩隻) $99秘製汁燒,味道甜甜地,鮑魚肉質彈牙而不韌。兩款燒蠔,各有特色。黃金醬燒日本廣島蠔(兩隻) $49。外層香燒醬汁,下層蠔肉鮮嫩多汁。黃金蒜蓉燒日本廣島蠔(兩隻)$49舖滿滿的蒜蓉,啖啖蒜香,同鮮味的廣島蠔好配合。8吋虎蝦沒有報大數,真係有8吋長。虎蝦開半燒,肉質彈牙,啖啖肉。黃金醬燒8吋虎蝦 $49 十分滋味。冬陰功汁燒8吋虎蝦 $49 夠晒惹味,冬陰功汁的辣不算勁,但有後勁。蒜蓉燒原條茄子 $45燒茄子最能突出軟綿綿的茄子肉,起肉拌入蒜蓉,滋味不盡。汁燒豆腐串 $25食落口感似炸臭豆腐的那種外脆內嫩。日式汁燒BB露筍 $39BB露筍真係好BB的、好幼嫩,完全無渣,燒完仍然柔軟多汁。鹽燒日本甜薯 $25 甜甜的紫薯。鹽燒日本秋葵 $50秋葵外撒滿椒鹽,好惹味,好香,食落又爽口,一改對秋葵滑潺潺的印象。爆汁車厘茄串 $25清甜多汁,酸酸地可以解膩。燒玉子 $32蛋味香濃,味道較甜,質感厚實。麻吉燒 $20估唔到喺香港都有得食麻吉燒,煙煙韌韌,好好味。 continue reading
(The above review is the personal opinion of an user which does not represent OpenRice's point of view.)
Level4 2018-10-31
866 views
放學後同同學係尖沙咀附近同圍行下,經過山林道看到有間食串燒的招牌,要行一條巷仔就入到舖,好神秘的角度🌌入到去看到有粗口字的啤酒樽,突想起這好像我好耐睇雜誌見過介紹呢食串燒飲粗口字的手工啤的舖頭。之前約朋友約極都約,今次誤打唔撞俾我食到,好開心呀❤️粗口字手工啤唔係唔飲嘛😎我就簡左7️⃣這個字,味道是香甜蜜糖!這麥芽酒飲落帶有微微甜香,好適合女生飲🐷為食小胖子其實都係嗜蠔者來的,看到有餐牌有唔同口味的燒蠔。我就簡左3款來食下啦~*每客是有2隻的* 蠔每隻都係好肥美,沒有因為係燒而縮晒水變得細隻車打芝士燒日本廣島蠔 $49好鐘意...好鐘意食芝士既要必叫呀🤤🤤有超級地多的芝士粉佈滿蠔的表面,還有層溶左的芝士!🧀芝士味好濃郁但又無掩蓋蠔既鮮甜味👍🏼我同家姐都對呢個讚口不絕喔🤤黑松露蒜蓉燒日本廣島蠔$59呢個我就覺得偏咸左小小,可能因為有好多蒜蓉係上面,蒜蓉有啲蓋過黑松露嘅味道😂重口味的人士必定喜歡💕日本雞蛋燒日本廣島蠔 $59好特別呀!雞蛋🥚和蠔我只係想到柯仔煎, 冇諗過雞蛋可以配廣島蠔,蛋汁令我覺得有點像食緊生蠔咁,而且蠔上的醬是茄汁,食落的感覺沒有很怪喔👍🏼每一次去食串燒店我都必會叫燒茄子🍆,蒜蓉燒原隻茄子 $45。茄子好厚肉,仲有好多木魚碎係上面😍😍為食小胖子後記店員姐姐態度好好💯 遞上野食時都會溫馨提示我們要小心啲熱... continue reading
(The above review is the personal opinion of an user which does not represent OpenRice's point of view.)
Level4 2018-10-21
1277 views
重陽節假期前夕收工後朋友帶左我去尖沙咀醫肚,黎到了位於山林道的串酒里雖然位處於山林道,但店舖位置比較偏僻,唔太起眼,要再行入條巷仔先到達餐廳餐廳裝修簡潔,亦設有長枱供五至六人用膳餐牌分門別類,夠晒清楚,而且串燒種類同製法都幾多啊,但係雞肉同埋生蠔已經有大約10多款不同煮法,真係花多眼亂啊札幌芝麻香燒餃子雞翼燒得金黃香脆既雞翼好肥美,內裏釀了餃子肉餡,使到雞翼嘅味道更加豐富自家製惹味雞肉串同埋鹽燒厚切牛舌雞肉大大粒,邊位燒至微微脆口,內裡嘅雞肉依然香嫩,好味道啊!牛舌撒上薄薄的鹽去燒,由於係厚切,所以油脂豐盈四溢,牛舌肥美爽彈,味道濃,好正啊!秘製醬汁香燒豬頸肉大推薦呢個!厚薄適中的原塊豬頸肉燒得色澤端好,一啲都唔燶,邊位仲好脆口,而中間就好香軟!就咁單吃已經好好味,豬味香濃,不得了!配上酸酸甜甜的秘製醬汁,感覺較清新,解去左膩感,呢個真係必點啊!麻吉燒同埋燒芝士丸麻吉燒內裏包裹着麻糬,煙煙韌韌的口感燒芝士丸質素正常燒玉子面上塗了蜂蜜,所以面層甜甜的。玉子燒本身好鬆軟,感覺有點兒像在吃蛋糕芝士煙肉焗大啡菇呢個又係不得了!滿滿的芝士同煙肉覆蓋着大啡菇,每一口都充滿着芝香。大啡菇本身好juicy,冇得彈啊黑松露蒜蓉燒日本廣島蠔一上枱已經聞到好大陣蒜蓉香!生蠔夠肥美鮮甜,正!總括而言,串燒質素好服務態度佳店舖面積雖然唔算好大,但係抽風系統做得幾好,食完唔會有陣串燒油煙味,推介喔 continue reading
(The above review is the personal opinion of an user which does not represent OpenRice's point of view.)
Level4 2018-10-10
153 views
呢日同屋企人出左老尖搵食, 黎到山林道附近呢間串酒里。一聽個名就知係食串燒飲啤酒啦。如此繁忙既香港人真係好需要呢d鋪頭chill一chill~不過去呢間小鋪記得book 位!大餐牌, 主打海鮮, 不過各樣其他燒物都有!打頭陣, 先黎黑松露燒扇貝同燒蠔!香氣四溢! 除左黑松露, 扇貝有爆多香蒜, 扇貝新鮮, 洗得乾淨又無沙, 非常好。第二味黎可燒春蛋!春蛋係香港愈黎愈少人食, 而燒就第一次試, 感覺幾得意。呢個時候開始要開枝啤隊隊佢呢度都唔係賣主流啤。而我就叫左麥子既粗口啤。好正, 麥味幾濃, 我中意!而再黎兩隻車打芝士燒蠔~芝士可以拉絲出黎, 仲配有一大堆沙律菜, 唔怕熱氣。海鮮正, 梗係唔好俾佢停!再黎燒鮑魚兩隻! 好難得, 洗得好乾淨, 而燒得岩岩好熟, 肉咬落夠冧而彈牙。而除左海鮮, 牛柳粒係另外一樣燒得非常好既食物, 肉汁仲保留到係牛柳粒入面, 唔會好乾。而仲有大啡菇, 要算係我其中一樣最中意既燒物, 芝士鋪滿係面, 而燒起上黎, 仲有相當水份保留到, 難得!最後出場既係燒8吋大虎蝦!!堅係有8吋長, 肉質夠彈證明新鮮, 配起芝士又係一絕。香港實在需要多一d串燒鋪俾人chill 下, 有機會實再黎! continue reading
(The above review is the personal opinion of an user which does not represent OpenRice's point of view.)
Level4 2018-10-03
1313 views
返咗成個禮拜工, 嚟到Happy Friday又係時候輕鬆下啦。朋友推介之下嚟到山林道一條毫不起眼嘅小巷, 原來呢度潛藏住一間小小串燒店。 本地手工啤係呢度一大賣點, 一場嚟到當然要點返支豪邁暢飲, 盡吐苦水。餐廳供應多款即燒美食, 其中羊架係我的最愛。香草燒紐西蘭羊架$79/2件騷香肥美嘅羊架, 肉質柔軟, 最正係其油脂極為豐富, 一啖肉一啖脂, 滋味無窮, 千祈唔好錯過!黃金扭扭薯條$49扭扭薯條炸得夠脆, 而且份量超大, 食足全程都食唔晒。黃金蒜蓉燒8吋虎蝦$49車打芝士燒8吋虎蝦$49 虎蝦肉質爽口有彈性, 用蒜蓉燒就最惹味。麻辣爽彈火雞腎$32雞腎咬落回彈脆口, 口感一流。冬陰功汁燒扇貝$52/2隻貝肉不算厚, 但有多款調味可選, 用冬陰功汁燒我都係第一次試, 酸味強烈。香菇燒安格斯牛肉卷$59/2件肥牛嘅油香同多汁鮮味嘅金菇, 幾時都咁夾。日式汁燒bb露筍$39 露筍幼嫩, 加上燒汁提味不少。整體食物質素不錯, 肉類比較出色。 continue reading
(The above review is the personal opinion of an user which does not represent OpenRice's point of view.)