開心星期五當然要同同事食好東西，今次行到嚟THE Forest商場入邊嘅一間泰國菜，放工見好多人排隊😋一個午餐都係$70+性價比超高！
🍽️ 芒果蟹肉沙律
食飯之前我哋叫咗呢個芒果蟹肉沙律開一開胃，酸酸甜甜，d芒果好甜，仲有好多蟹肉添，真係食完都覺得好Freshhhh🥗
🍽️ 泰國水門雞飯
食泰國嘢，當然要試海南雞飯😋既然係泰國海南雞冇得輸，啲雞好滑捋捋，油飯夠晒滋味😋我哋仲加咗冬陰功炸雞翼，外脆內軟夠晒刺激😍少少冬陰功嘅惹味添！差啲唔記得講我哋特登加錢飲呢杯特飲三色冰上面嘅龍鬚糖真係好壯觀🍹🧋真係不得不試！
🍽️ 蟹肉炒咖喱蛋飯
食泰國嘢，好想試吓佢嘅炒咖喱蛋飯，我哋仲特登叫咗個手抓餅食佢嘅咖喱汁，充滿蟹肉嘅咖喱汁原來好滋味，手抓餅夠晒香脆添😋啲蟹肉夠鮮味，配埋啲咖喱醬一齊食，真係不得了😍
🍽️ 炭燒牛豬串燒
炭燒牛豬串燒🍢🍡各有三串，啖啖肉好享受，牛肉串牛味濃🍢即叫即燒熱辣辣真係好味道😍🌟
🍽️ 芒果糯米飯
食完飯要甜蜜蜜，食返個芒果糯米飯先最正🥭同事就話紫色嘅糯米飯夠晒煙韌配埋椰汁不得了，而我就覺得啲芒果好香甜🥭
