Video
Read full review
2021-09-23
61 views
好滿足嘅一餐好想同大家分享一下💗 一早同朋友訂左枱食飯，餐廳好好咁安排我哋喺樓上間房仔到坐，感覺好似包左房咁，私隱度好高，留意到呢到就算係坐樓下位，都有簾可以拉埋，非常啱鍾意安靜下嘅人（例如我）。成日聽人話最勁嘅廚藝係將一啲普通食材煮到出神入化，第一道我覺得最好味竟然係外貌最平凡嘅四季豆，個豆炒得好香好入味，牛肝菌味道好夾，肉碎食得出火候，真係好回味無窮😋第二名係片皮鴨，個皮薄如蟬翼，鴨皮亦燒得香脆吾會有油膩感，唔係講假，曾經試過喺北京食嘅所謂遊客必去嘅片皮鴨店，都無呢個咁好食，可能都係因為呢到更迎合到香港人口味啦！第三名係叉燒，肉質軟糯，個皮加左蜜汁好juicy好脆😋😋又係食過返尋味第四名係蒜泥白肉，完全冇豬嘅腥味；濃郁嘅蒜味中夾左塊青瓜青爽啲，令成個味道平衡返。第五名酸辣湯，蟹肉成分夠多，又有青新嘅荀，辣味夠。第六名水煮魚，魚塊好肥美大啖肉，略嫌唔太夠辣，木薯粉好煙銀😋😋餐廳職員同我哋講上面啲乾辣椒係來自北韓🇰🇵呢到啲食材真係從全世界採購返嚟😂😂😂主食仲有花膠撈飯，充滿滿滿嘅膠原蛋白，不過作為細食嘅我真係有啲飽，所以食唔晒覺得有啲浪費🥲🥲甜品方面就有凍涼粉同埋水果，水果有香印提子同
好滿足嘅一餐好想同大家分享一下💗 一早同朋友訂左枱食飯，餐廳好好咁安排我哋喺樓上間房仔到坐，感覺好似包左房咁，私隱度好高，留意到呢到就算係坐樓下位，都有簾可以拉埋，非常啱鍾意安靜下嘅人（例如我）。
成日聽人話最勁嘅廚藝係將一啲普通食材煮到出神入化，第一道我覺得最好味竟然係外貌最平凡嘅四季豆，個豆炒得好香好入味，牛肝菌味道好夾，肉碎食得出火候，真係好回味無窮😋
第二名係片皮鴨，個皮薄如蟬翼，鴨皮亦燒得香脆吾會有油膩感，唔係講假，曾經試過喺北京食嘅所謂遊客必去嘅片皮鴨店，都無呢個咁好食，可能都係因為呢到更迎合到香港人口味啦！
第三名係叉燒，肉質軟糯，個皮加左蜜汁好juicy好脆😋😋又係食過返尋味
第四名係蒜泥白肉，完全冇豬嘅腥味；濃郁嘅蒜味中夾左塊青瓜青爽啲，令成個味道平衡返。
第五名酸辣湯，蟹肉成分夠多，又有青新嘅荀，辣味夠。
第六名水煮魚，魚塊好肥美大啖肉，略嫌唔太夠辣，木薯粉好煙銀😋😋餐廳職員同我哋講上面啲乾辣椒係來自北韓🇰🇵呢到啲食材真係從全世界採購返嚟😂😂😂
主食仲有花膠撈飯，充滿滿滿嘅膠原蛋白，不過作為細食嘅我真係有啲飽，所以食唔晒覺得有啲浪費🥲🥲
甜品方面就有凍涼粉同埋水果，水果有香印提子同埋超大粒嘅藍莓🫐
Overall嚟講我覺得呢度都不失為一個同三五知己相聚嘅好地方，因為私隱度夠高可以暢所欲言，係今時今日來講都係一個非常好嘅賣點😂👍🏻另外值得一提嘅係餐廳員工服務好好，有個姨姨仲幾幽默，氹得大家好開心💗
Post
