都係一般自助咖啡店模式, 先order付款再坐低. 叫左一個all day Breakfast($88), 加$10Americano Coffee.
大約等左5分鐘有咖啡喇, 因為知道巴西加印尼豆, 通常酸味重同中至深度烘焙, 所以叫左加少少奶. 咖啡黎到, 油脂夠厚, 不過酸味堅重, 而且好濃(苦呀), 如果飲all black應該好似苦茶(不過如果係吃開苦中苦既各位人上人大大就梗係唔覺啦)
等10分鐘之後有野食喇, 擺盤豐富, 睇相就知有幾多野食. 逐樣分析, 中間開始, 黑松露炒蛋, 好食, 識炒, 鬆軟, 滑, 與黑松露配合.
腸, 我個人唔鐘意, 無咩味, 要點茄汁先食到, 煙肉, 一般, 普通;
紅蘿蔔仔, 算甜, 細粒果D太乾, 不過可以接受啦.蕃茄仔, 煮得剛好, 酸味甜味開始出而又無over cook.
薯仔, OK煮得適中, 淋但無過火; 菇, 唔錯, 入味;
菜, 係好新鮮
成件事最唔好, 就係落太多粗粒黑胡椒; 每一樣野包括沙律菜都好多黑椒. 黑椒唔係問題, 粗粒唔係問題, 每樣都有都唔係問題, 而係已經無香味而只剩辣味既黑胡椒, 放太多令食味不增反減. 干擾其他食物既原味, 又影響口感. 如果已經香味不足既黑椒, 建議磨中至細粒而非粗粒(唔係粉呀), 一係就make sure黑胡椒真係香味足夠而唔係剩下辣味
不過成碟最好係呢個牛角包, 熱, 香, 酥, 即夠鬆化, 細細隻又唔會太飽, 抵讚
整體環境舒適, 員工算friendly, 以後生仔黎講好唔錯, 雖然d黑椒影響左少少, 但整體食物煮得好呀, 好過好多其他餐廳. 牆上有電視播住關於咖啡既教學節目, 喜歡咖啡既朋友好似我咁就好鍾意喇.
價錢亦好合理, 會再光顧既.
Btw, 呢度好多靚OL幫襯架
