果子｜海南雞飯·喇沙摻摻 (啟昌樓) (Closed)

今日帶阿女呢附近嘅遊樂館玩 落巴士就見到呢間餐廳門口都有唔少人等緊位反正要食午餐就決定趁熱鬧試下職員安排咗個卡位 坐得夠舒服叫咗無骨海南雞飯同牛肉喇沙摻摻，午餐會包埋飲品仲可以用優惠價加配小食我哋就加配咗絲網春捲同埋馬鈴薯炸蝦卷海南雞飯好快送上，果然係皮香肉嫩 ，份量十足，仲有雞脾位太好！啖啖肉加埋醬汁非常惹味又好送飯，雞油飯亦夠濕潤。轉頭牛肉喇沙都送上 我習慣先飲下個湯底 都合我心意，飲落去微辣帶香，材料亦都唔少 除咗牛肉仲有魚蛋片，豆卜，雞蛋等等，摻摻就係米粉油麵兩樣溝埋，好味道至於兩個小食熱辣辣炸起，絲網春捲都經常食開，脆卜卜外面又有咬口，反而個馬鈴薯蝦卷比較有驚喜，一條條薯仔,口感十足。飲品要左仙草奶茶同紅豆奶茶畫個完美句號。