燒蝦蝦 (金福閣） (Closed)

上星期同男朋友嘅拍拖記念日，想搵間好嘅餐廳食之餘又想特別啲，見到有朋友share呢一間燒蝦蝦話可以自己夾啲蝦幾得意。所以就決定咗去呢間餐廳慶祝食嘢，一路食一路玩🤪炎炎夏日，一嚟就拎返支汽水爽一爽先，飲品嘅選擇都非常之多，可以自己去拎✨跟住就要食我哋期待咗好耐嘅海鮮！入到餐廳已經留意到好多人都食緊啲海鮮，睇落賣相好唔錯！我哋叫咗好多蟶子、元貝、鮑魚等等，全部都勁新鮮！仲有就係令我哋食得開心又玩得開心嘅流水蝦🦐我同男朋友比賽輸咗比佢😂啲蝦實在太生猛，我夾極都夾唔到！最尾都係乖乖地等男朋友服侍我🫣啲蝦非常之鮮甜！兩個人都食咗幾十隻先肯停口🤣