燒蝦蝦 (金福閣)

201
4
3
All Branches (2)
Telephone
37020126
63186370 (WhatsApp)
Payment Methods
Cash
Other Info
Alcoholic Drinks
10% Service Charge
Above information is for reference only. Please check details with the restaurant.
About
【燒烤放題】流水蝦場釣住食 兼有激多海鮮·串燒·甜品
超正海鮮食到飽!貼地價燒烤放題,唔只燒蝦蝦。無間斷輪流補給扇貝、鮑魚、蠔、貴妃蚌等;原條大眼雞,黃腳鱲、倉魚等,全部任燒!款式之多儼如海鮮檔。同場還有多款串燒,人氣雞軟骨、雞腎、雞翼、丸類等;加上五花腩、羊架、靚牛等超多款肉類,一燒逼出油花肉香。並設蔬菜、甜品、雪糕區,兼任飲汽水、花茶、啤酒、清酒,價錢划算大滿足!

Review (213)
Level4 2022-05-07
6377 views
由早餐食到晚餐,持久戰食到飽飽大滿足,原來有兩層可以放食物燒,可以加快速度達至最佳的營運效益。雖然環境真係非常一般,唔講得上中高檔或寬敞舒適,不過食材有驚喜,大量海鮮貝類魚類合格食得過。我完全混淆釣蝦場及流水蝦場,流水蝦場無蝦釣,只有蝦樂無窮欣賞,隻隻蝦蝦都對住我笑呢。Asahi draught,細細杯任飲,最敝不夠凍,可以接受。冬蔭功,味道有趣,極似濃茄味的羅宋湯,沒有椰奶亦不太酸,難得滿意。白灼沙白,熟食檔隨時即食,幸好未過熟,還有一絲蜆的鮮甜,但肉汁已流失欠飽滿彈牙。椒鹽大頭蝦,熟食檔任食,欠缺鮮甜味似十足雪藏貨,蝦肉淡口已霉。流水蝦,從水缸夾出生猛紮紮跳,即捉即燒爽彈鮮甜爆膏,預先煮好的大頭蝦完全無得比,食到唔停口唔停手。燒活九孔鮑魚,手舞足蹈狂熱起舞!鮮彈充滿海鮮味,不用添加任何調味,我最愛飽滿甘香的內臟。燒紅腸,食不到甜只食到咸,雖然彈彈水潤。燒雞腎,懷疑外購日本貨,細細粒食到鮮甜帶爽脆。燒倉魚,耐心慢烤直至焦香微脆帶膠質,鎖住肉汁,結實啖啖肉而魚味濃,雖然雪藏貨欠缺鮮味。燒大眼雞,簡單易燒不怕燶,整塊魚皮去掉露出閃閃水潤魚肉,厚身大舊肉,實淨魚味香甜。精髓盡在魚眼,啫喱狀溜沖溜啜得高興。燒雞全翼,比多十二倍努力十二分精神炮製,皮香肉嫩滴著雞汁,輕醃回味。燒東風螺,雖然新鮮度微弱,但燒得香口熱辣辣,脆彈帶汁。燒台灣腸,味道在香腸及臘腸之間,少少煙燻的味道,食完想再食的衝動!燒魷魚,估不到係原條魷魚筒,少少滑少少彈少少汁,可以的呢。廚師腸,那裡的產地超級咸的,幾乎沒肉汁。半殼生蠔,完全入晒雪要比多十倍耐性慢燒,當雪溶掉立即淋上蒜蓉辣椒,薄衣衣細細粒,過過口癮罷了。燒冬菇,乾貨倒進蒜蓉辣椒可口到不得了!菇香辛辣帶甜。燒豬仔髀,我的最愛大大舊肉實淨豬味濃郁,烤出甜味加嚼勁,無得頂!蒜蓉辣椒燒韮菜,纖維豐豐趙到索索聲,爽甜脆嫩兼辛辣格外醒神!牛仔骨,入晒雪浪費掉,外面熟但中間仍凍凍冰冰仍血淋淋。牛柳粒,瘦肉乾乾欠甜美。花蛤皇,有驚喜的肥美彈滑爆汁,鮮甜味出眾,最緊要看準時機出貨。蒜蓉辣椒沙插,似乎豉椒汁會更合適!幸好帶子味強列,爽脆嚥韌質地,獨特的鮮味搭蒜蓉辣椒,拍手叫好。貴妃蚌,充滿泥加沙,怎可能放入嘴,全部掉棄。蒜蓉辣椒清湯浸娃娃菜,浸耐一點更入味更爽甜,勁蒜夾著辣椒惹味辛口滋味無窮!  continue reading
(The above review is the personal opinion of a user which does not represent OpenRice's point of view.)
Level4 2022-08-07
0 views
第一次去食呢款流水蝦燒烤😍睇得又食得玩得超開心🥳不過玩時玩,我有尊重食物嘅🤪有用凍水先凍暈啲蝦再去燒🌝.👅 各款海鮮有鮑魚,帆立貝,n款蜆,蠔,蟶子仔,最誇張嘅係佢成條魚都有😂真係可以成條魚拎返位燒,食之前加少少海鹽,勁鮮甜😋.👅 燒烤肉/燒烤菜以前細個好鍾意食波波腸嫁我🌝瓜菜類都有好多,基本野燒菠蘿is a must😌最特別係有原條茄子😂可以叫師傅幫你係茄子🍆中間𠝹一刀,加上海量辣椒牛油蒜粒,又變做四川茄子😍.👅炸物/炸蝦炸物選擇有炸蝦卷同炸饅頭😍估唔到有我最鍾意嘅炸饅頭😋記得加佢海量嘅煉奶呀😚如果想食多啲蝦,佢呢度有啲已經煮好嘅大頭蝦,岩晒一心只想黎食蝦嘅朋友呀😆.👅甜品甜品有一件件嘅蛋糕仔同雪糕雪條等,因為我食蝦食到飽晒,已經冇位再食蛋糕啦😂唯有食返佢三五七支榴槤雪條補數啦🤣佢仲有一個燒格仔餅,燒牛角包🥐燒格仔餅都幾好食😋加埋煉奶加埋雪糕🤣鍾意食幾多就食幾多啊😋 continue reading
(The above review is the personal opinion of a user which does not represent OpenRice's point of view.)
Level4 2022-08-04
0 views
呢間係元朗首間嘅流水蝦放題,近年呢類型嘅餐廳都越開越多,非常之受歡迎,到底佢嘅吸引之處係喺邊呢? 裏面嘅海鮮任食,而且餐廳都不斷refill, 所以係唔需要同人地搶,隨時隨地都可以食到想食嘅嘢,海鮮有大大隻嘅東風螺、鮑魚、幾種蜆、青口、扇貝、蠔、聖子、魚🐟,魚仲有大眼雞添,原條燒起搣皮就食得,實在係正!另外仲有多種嘅疏菜,仲有牛仔骨,羊架,好多時放題呢類型嘅食品喺放題店食都麻麻哋,但呢到就唔同,質素都唔差,從圖中都可以見到牛仔骨嘅油脂分佈得好靚,絕對要食多兩舊。餐廳提供咗大量調味料供唔喜好嘅客人,包括牛油、蒜蓉、味蒜、蔥、泰式酸辣醬、孜然粉、燒烤粉、芝士、蜜糖等等😋勁爽!另外仲有多款嘅甜品、雪糕、飲品、熟食,熟食包括一啲炸物、中式及泰式嘅食品,包括冬陰功湯,泰式撈魚皮&蝦等,種類多到都唔知食邊樣好。5點入座7:30前賣單離座$338一位加一,任飲任食2.5小時,雖然有2.5小時,但食落發現原來都唔太夠,不知不覺就夠鐘,唯一注意嘅係餐廳人山人海,大家都開着個爐起勢咁燒,環境會有啲侷促。 continue reading
(The above review is the personal opinion of a user which does not represent OpenRice's point of view.)
Level3 2022-08-03
0 views
今日放假決定同朋友入元朗食海鮮一聽到食海鮮一定覺得又貴又唔抵但係我發現原來元朗有一間海鮮任食燒烤仲可以自己捉流水蝦真係幾有趣首先每個人都會送半隻龍蝦我哋嘅旁邊就有一個水箱入面放滿咗好多嘅流水煆大家記得千祈唔好用隻手去捉一定要用鉗啊因為比佢哋咬親就唔好啦調味料方面除咗枱面有孜然粉、燒烤味粉、海鹽同辣椒粉 仲可以出去攞蒜蓉我自己就鍾意落好多蒜蓉一齊燒咁樣食落去好似出面酒樓咁呢度有好多海鮮啦特別推介大家食鮑魚,大眼魚。貢丸,羊㗎等等佢哋嘅海鮮好新鮮肉質都好彈牙,大家燒鮑魚嘅時候記得要用鉸剪剪開出嚟先好燒 continue reading
(The above review is the personal opinion of a user which does not represent OpenRice's point of view.)
Level3 2022-08-02
0 views
好耐無食燒肉串燒啦,呢日lunch嚟咗元朗試吓呢間好得意嘅放題😍我哋兩個人坐4人枱,share 一個爐。每張枱隔離都有個水缸,入面有好多隻好生猛嘅蝦比我哋即場夾起嚟食,店員都好仔細咁解釋點樣處理啲海鮮👍🏻啲蝦肉好新鮮鮮甜 大細又啱啱好 真係忍唔住燒多幾隻!除咗燒蝦之外仲有好多款海鮮,例如蠔 鮑魚 蜆 螺 扇貝 魷魚 花甲 樣樣都好生鮮唔驚食到唔舒服🤣魷魚燒完食落好爽口,花甲都好有咬口,我哋都食咗唔少😍雖然呢度主打海鮮,但係都有好多其他款式嘅食物,質素都好高!醃製過嘅雞翼好野味,燒完仲好香。有羊架好好食,size啱啱好食多隻都okay! 另外雞肉同豬腩肉都唔錯,肉質嫩滑,食落唔會有浸雪味,燒完層皮好脆添。值得一提嘅係每張枱都有黑椒 胡椒粉等等嘅調味料 可以比我哋揀嚟用👍🏻另外仲有啲丸類 好似蝦丸 墨魚丸等等 都好有咬口又彈牙 串燒方面仲有腸仔 獅子狗卷 肉嘅內臟之類 真係有好多選擇😍蔬菜方面我哋就無乜點食 不過大啡菇燒完好好食又多汁!冬菇就無大啡菇咁好食 不過都okay 當然仲有唔可以無嘅燒菠蘿🍍!好甜又多汁好開胃!飲品都係啲大路野,不過呢度仲有得沖熱茶 例如玫瑰花茶咁 都唔錯甜品就食咗cocoberry 嘅雪糕🍦有好好味嘅港式奶茶味!仲有其他雪條之類。其實仲有其他熟食同湯可以飲 不過實在食得太飽所以無試到 唯有留返下次啦🤩🤩 continue reading
(The above review is the personal opinion of a user which does not represent OpenRice's point of view.)