瀛豐放題料理專門店

銅鑼灣食放題，講性價比一定係呢間瀛豐 ，平日$259一位，任食兩個鐘，加$148升級任食凍海鮮拼盤同海膽帶子，都咪話唔癲🤪凍海鮮拼盤有長腳蟹、鮑魚、翡翠螺等等嘅貴價海鮮，全部都好新鮮，清甜彈牙，竟然仲有魚子醬😮 放題嚟講真係好少見，重點係任食！係任食啊！真係好抵玩🤩刺身海膽帶子夠鮮甜，真係要食多啲回一回本🤭 而呢度嘅蝦貝類刺身選擇特別多，有珍寶赤蝦、馬刀貝、北海道角螺、赤貝、白玉貝，魚類方面就有三文魚、油甘魚、希靈魚、醬油吞拿魚等等，回本位一定係貝類，整體刺身都鮮甜，赤蝦亦食唔到腥味😙壽司最欣賞佢哋啲壽司飯夠細嚿，咁就可以食到多啲款，其中原條穴子壽司、芝味炸蝦卷都可以一戰，另外仲有放題必備嘅手卷、天婦羅、炸物、燒物泰式料理嘅選擇都唔少，炸蝦餅細細件，一啖一件😚 美極大蝦同泰式鳳爪都係必點👍🏻 仲有麻辣小龍蝦🤩 一定要有澱粉落肚嘅朋友仔，仲有泰式粉麵飯選擇添自助區仲有前菜小食、雪糕、甜品同飲品，飲品櫃一應俱全，包括Hᴏᴇɢᴀᴀʀᴅᴇɴ Rᴏsᴇᴇ🤪整體食物種類唔算多，但勝在夠精，日泰放題又好少見，我哋都食到捧住個肚走😆