RISE Kitchen (Closed)

下雨天都要出去食飯嘅，今次嚟咗將軍澳嘅海旁，呢間餐廳落地玻璃，隔住玻璃望住出邊落雨又有不同嘅感覺，叫左個英倫全日早餐，包括有太陽蛋、煙燻芝士腸、炸魚塊、番茄、大啡菇、沙律、酸忌廉窩夫，加配左一杯榛子朱古力，雖然每樣東西都好似得壹件，但係食上嚟又夠飽喎，杯朱古力仲會拉花，上面有一個愛心，見到心情都靚啲，另外仲叫咗一個小食，蜂蜜檸檬單骨雞翼，我覺得個雞翼好好食，因為單骨食嘅時候好方便，而且比起媛姐更入味，蜂蜜配檸檬呢個配搭真係好好，以後喺屋企都可以試吓呢個配搭，喺度過咗一個休閒嘅午餐