Read full review
2024-03-09
136 views
朋友生日想食韓燒，喺OpenRice搵到柞木炭家好似幾好，地點旺角就大家放工方便食晚飯，喺Openrice 訂位全單有85折。7pm入座後，等齊人職員介紹套餐會抵食過散叫，而且仲可以85折，咁我哋分別叫左一個2人套餐$1088春之石海鮮盛饌加$288 最上等牛助骨，同另一個2人套餐$788加$238韓國釜山鰻魚$238。海鮮拼盤有兩隻鮑魚、兩隻貴妃蚌、兩隻帶子丶仲有幾粒蜆，會有職員幫手燒，先燒熱石春再放海鮮上去，燒得唔會過路啱啱熟，燒完上碟俾你慢慢食。食完海鮮，職員就跟手再燒埋鰻魚，同樣燒得啱啱好，如果個皮脆D仲好。另一主打柞木壽喜燒和牛，每份有2片大2片細，職員提議燒起連小飯團沾蛋食，仲有黑松露配搭，食落好高級。至於其他肉類牛小排、豬肉拼盤就我哋自己燒，套餐份量十足，夠曬我哋五個女仔仲好飽。兩個套餐除咗燒肉仲有熱食兩選一，我哋分別選了人蔘雞湯同埋赤身蝦肉石燒飯，人蔘雞湯用烏雞煲，飲落有淡淡的人蔘味，烏雞肉又幾嫩滑。石頭鍋飯充滿蝦味，而且仲有少少飯焦，好香口。餐廳仲有多款泡菜前菜，只要加$40每枱計，就可以任食泡菜，感覺幾抵。套餐甜品有布甸🍮、烤香蕉🍌、芝士蛋糕🍰，芝士蛋糕係日式輕盈
7pm入座後，等齊人職員介紹套餐會抵食過散叫，而且仲可以85折，咁我哋分別叫左一個2人套餐$1088春之石海鮮盛饌加$288 最上等牛助骨，同另一個2人套餐$788加$238韓國釜山鰻魚$238。
海鮮拼盤有兩隻鮑魚、兩隻貴妃蚌、兩隻帶子丶仲有幾粒蜆，會有職員幫手燒，先燒熱石春再放海鮮上去，燒得唔會過路啱啱熟，燒完上碟俾你慢慢食。食完海鮮，職員就跟手再燒埋鰻魚，同樣燒得啱啱好，如果個皮脆D仲好。
另一主打柞木壽喜燒和牛，每份有2片大2片細，職員提議燒起連小飯團沾蛋食，仲有黑松露配搭，食落好高級。
至於其他肉類牛小排、豬肉拼盤就我哋自己燒，套餐份量十足，夠曬我哋五個女仔仲好飽。
兩個套餐除咗燒肉仲有熱食兩選一，我哋分別選了人蔘雞湯同埋赤身蝦肉石燒飯，人蔘雞湯用烏雞煲，飲落有淡淡的人蔘味，烏雞肉又幾嫩滑。石頭鍋飯充滿蝦味，而且仲有少少飯焦，好香口。
餐廳仲有多款泡菜前菜，只要加$40每枱計，就可以任食泡菜，感覺幾抵。
套餐甜品有布甸🍮、烤香蕉🍌、芝士蛋糕🍰，芝士蛋糕係日式輕盈版，食完唔會漏，烤香蕉面頭係焦糖脆面，都好特別。
飲品試左菠蘿柚子沙冰+$20
味道ok唔太甜，但沙冰好快就溶晒。
💰是晚人均消費$500💰
回頭指數💯
Post
