吞POT 雞煲火鍋.住家菜 (Closed)

今日放工去食呢間雞煲。我同朋友叫咗佢個辣酒花螺雞煲。一上菜就聞到好香既酒味，螺同雞既味道幾過癮幾夾。雞既肉質都幾嫩滑同入味，花螺就好煙韌同有好香既螺味。另外我地再叫咗一碟頂級雪花肥牛，一碟脆肉鯇同爆芝響鈴。呢碟肥牛賣相已經好吸引，味道都好好，牛肉味幾重，脂肪比例都啱啱好，我個人幾鐘意食唔會太肥。脆肉鯇都幾新鮮，幾爽脆。個芝士響鈴更加驚喜，係即炸既，上到檯仲係好熱。擺入煲浸幾秒，入面既芝士熔咗食落好邪惡但真係好好味。雖然呢間雞煲價位唔算平，但整體食物質素絕對對得住個價錢。大家嚟旺角可以一試！