Video
Read full review
2018-03-08
1085 views
位於Yoho Mall嘅王子私房菜，當其他中菜館門口都人山人海時，佢竟然唔使等位，入面空間唔大，但座位闊落，唔會同隔離枱太逼，坐喺落地大玻璃窗旁，自然光照入嚟心情都大靚，呢度啲點心價錢偏貴，可能就係少人嘅原因吧，但其實係值得的，因為真係好食！有質素！呢度有得揀蕎麥茶好特別！韭黃鮮蝦腸（$48）一共有4條，每條有2隻蝦，啲蝦真係好大隻！仲要係爽口嘅！腸粉都好滑！話梅蒸豬手（$35）豬手好少骨，唔會太肥，但仍食到有膠質好黏口，話梅味好香好濃！翡翠帶子餃（$38）入面有帶子有蝦，好大粒好足料，再加埋蔬菜，食完都唔會漏，塊皮都唔厚，清新之選。陳皮牛肉球（$30）相對普通啲，但牛肉都好滑同好淋，無筋無渣。薑蔥蝦籽海參撈粗麵（$138）真係真材實料，大大舊厚肉海參，一啲都唔就住咁落嘅蝦籽，略嫌粗麵淋左少少，但仍然好味！香滑芝麻糕芝麻味好香濃，但比起菲林芝麻糕，我會更鍾情後者，哈哈。
呢度有得揀蕎麥茶好特別！
韭黃鮮蝦腸（$48）
一共有4條，每條有2隻蝦，啲蝦真係好大隻！仲要係爽口嘅！腸粉都好滑！
話梅蒸豬手（$35）
豬手好少骨，唔會太肥，但仍食到有膠質好黏口，話梅味好香好濃！
翡翠帶子餃（$38）
入面有帶子有蝦，好大粒好足料，再加埋蔬菜，食完都唔會漏，塊皮都唔厚，清新之選。
陳皮牛肉球（$30）
相對普通啲，但牛肉都好滑同好淋，無筋無渣。
薑蔥蝦籽海參撈粗麵（$138）
真係真材實料，大大舊厚肉海參，一啲都唔就住咁落嘅蝦籽，略嫌粗麵淋左少少，但仍然好味！
香滑芝麻糕
芝麻味好香濃，但比起菲林芝麻糕，我會更鍾情後者，哈哈。
Post
