Nafafa Thai Cuisine & Lounge (Closed)

朋友帶我嚟食一間好精緻嘅泰國菜，呢度嘅環境好有氣氛，仲有好好坐嘅卡位前菜：用唔同穀物造成嘅團子，下面係菠蘿，算係幾新奇特別馬拉盞炒雜菜：雜菜充滿着鑊氣，惹味嘅調味滲入雜菜入面香辣海鮮炒河：入面分別有帶子、青口、蝦，材料可以話非常豐富，特別鍾意帶子，因為有鮮味，而且真係好夠辣，河粉比較闊身一啲冬陰功湯：酸酸辣辣咁好開胃，材料都係非常多，呢款嘅奶味會少一啲咖喱牛肉：香葉既味道滲入咖喱入面，牛肉軟腍好食芒果糯米飯：從未見過賣相咁靚嘅芒果糯米飯，椰汁係偏甜，米飯煙韌泰式奶茶：飲落去就好正宗嘅味道，就算飲到後期奶茶嘅味道亦都唔會消散