滿屋日本料理 (大鴻輝(荃灣)中心) (Closed)

又揾到個鐘意食放題既朋友陪我食，荃灣就腳啲就揀左呢間滿屋試一試。星期一至三任食兩個鐘$238加1都唔算貴。因為即興所以無book位，唯有walkin啦！去到等左一陣就入得，安排左4人卡位比我地坐都幾闊落。出面有自助bar拎前菜螺肉、小食專區，有蝦、蜆、青口、沙律、螺肉、飛魚子，仲有各式炸物、雞腳、辣酒螺超豐富。雖然係前菜我都另左幾轉。第一時間再點了大量刺身啦，食放題其中一個重點就係刺身，都好多款式，而且還有劍魚腩好少放題有得食，甜蝦好甜，帆立貝好鮮味，其他魚類都好新鮮。壽司都係叫左幾款海膽手卷、吞拿魚蓉、鰻魚、燒牛，細細件一口一件唔錯。熟食羊架唔羶夠冧好食，雞軟骨串無咩味，另外芝麻雞翼，炸蠔夠脆，榴槤球都好濃榴槤味正，一單料理叫了花膠大大塊配埋個鮑汁食一流，辣酒煮蜆唔夠大隻大少了，唔知係咪一大煲煮，多數都係蜆殼得幾粒肉。每人有得點Movipick 同Haagen-Dazs都唔錯出面仲有甜品區有雪條、糯米糍、芝士蛋糕等。整體都唔錯又唔算貴，下次約多幾個朋友吹下水，食下都唔錯。